احتفلت الفنانة ملك أحمد زاهر بعرض فيلم 'مطلوب عائليا' مع خطيبها المؤلف شريف الليثي، الذي تولى تأليف الفيلم.

ونشرت ملك أحمد زاهر عبر حسابها على Instagram صورا لها مع خطيبها ووجهت له رسالة رومانسية لتعبر عن سعادتها بنجاحه.

وقالت ملك أحمد زاهر: 'كلمة 'فخورة' متكفيش، معتقدتش إني في يوم من الأيام هلاقي الكلام اللي يوصف شعوري وأنا واقفة جنبك وشايفاك بتحول أحلامك لحقيقية، في كل مرة بفتكر إني مش كون فخورة أكتر من كده وبعدها بتيجي وتديني سبب جديد لأكون فخورة أكتر'.

وتابعت ملك أحمد زاهر: 'شايفة كل المجهود اللي بتعمله والأيام الطويلة والحاجات اللي بتخليك قلقان واهتمامك أنك تنجز كل حاجة على أكمل وجه، وجودي جنبك خلال الرحلة دي بيخلي كل نجاح كأنه شخصي، بحس بحماسك وسعادتك وكأنها مشاعري أنا'.

وأكملت: 'لما الناس بتباركلي على عمل ليك ببقى حاسه بسعادة أكبر من لما يباركولي على حاجة عملتها أنا، اسمك بيخليني رافعة راسي فخورة بيك وممتنة أنك شريك حياتي'.

وأضافت ملك أحمد زاهر: 'فيلم جديد وحلم جديد بقى حقيقة ولحظة جديدة هفضل فاكراها، مفيش حاجة بتسعدني أكتر من إني أشوفك سعيد ومن إني أشوف الشغل اللي بذلت كل مجهودك عشان يوصل لقلوب الناس'.

واختتمت ملك أحمد زاهر رسالتها قائلة: 'مبروك يا حبيبي أتمنى أنك تستمتع بكل ثانية من اللحظات دي أنت بذلت مجهود كبير وأنا أسعد بنت في العالم وأنا بشوف نجاحك'.

واحتفلت الفنانة ملك أحمد زاهر بخطبتها على شريف عمرو الليثي، السبت 21 مارس.