لايف ستايل
موقع كل يوم -في فن
نشر بتاريخ: ١٦ تشرين الثاني ٢٠٢٦
حكت الفنانة رحمة أحمد عن موقف كوميدي جمعها بالفنان مصطفى غريب وبسببه تم طردها من موقع التصوير.
وخلال لقائها في برنامج 'صاحبة السعادة' مع إسعاد يونس استعادت رحمة أحمد ذكريات مشاركتها في إحدى حلقات مسلسل 'أشغال شقة' وطرد المخرج خالد دياب لها وقالت: 'أنا ساعات بضحك على حاجات محدش بيضحك عليها يعني في تفصيله أنا ممكن أشوفها تموتني من الضحك يجي لي كريزة ضحك مش عادية آخر مرة جالي كريزة ضحك مع المخرج خالد دياب وكانت أول مرة نتقابل بس جالي كريزة ضحك مش قادرة أوقفها وكل ما يزعق في المايك أضحك أكتر'.
وتابعت رحمة أحمد: 'كان المشهد مصطفى غريب واقف لي كده وهو أطول مني أنا بصاله كده فالمهم هو عمال يقولي حاجات وأنا مش مركزة في الاسكريبت وبعدين هشام ماجد جه وبيضربه بالقلم'.
وأكملت رحمة أحمد: ' فضربة هو خد القلم ومصطفى وشه تخين فبقى وشه ثابت وباقي وشه بيتهز فأنا ضحكت جدا جالي هيسترية ضحك عشان شكله هو اللي بيضحكني طب أعمل إيه؟ أستاذ خالد دياب قال لي اطلعي بره انت ومصطفى غريب'.
واختتمت رحمة أحمد حكايتها: 'المشهد اتعاد كذا مرة بسببي وبسبب أن مصطفى غريب بيضحك وفي الآخر ماخدوش المشهد'.
على جانب آخر، بدأت رحمة أحمد تصوير مسلسل 'على السكة' اذلي تنافس به في موسم رمضان 2027.
ينتمي المسلسل إلى نوعية الأعمال اللايت كوميدي، ويقدم تجربة درامية بطابع اجتماعي وكوميدي، وهو من إخراج كوثر يونس وإنتاج عبد الله أبو الفتوح وبطولة كارولين عزمي ومحمود ماجد.
حرب نجوم #رمضان بدأت بدري قوي ... قصف الجبهة اشتغل بين محمد رمضان وأحمد العوضي ????
#عشماوي #سلطان_الديب https://t.co/ub6Wv3DL8l




























