قال الفنان صبحي خليل إن فترة بداية مرض ابنته داليا بالسرطان كانت صعبة جدا بالنسبة له.

وأضاف خلال حواره مع الإعلامي عمرو الليثي في برنامج 'واحد من الناس' المذاع عبر قناة الحياة: 'الناس بيحصل لها خضة لما تسمع عن إصابة حد بالمرض ده، ما بالك إني أب، ودي بنتي الكبيرة اللي شافت معايا كل حاجة'.

وتابع: 'لولا تمسك الواحد بربنا سبحانه وتعالى كان ممكن يستقبل المرض بشكل صعب، لكن الحمد لله الواحد رضي وعلشان كده ربنا سهل لها حاجات كتير جدا في حياتها، رغم إن المرض ده اسمه موت وخراب ديار، لإنه يحتاج فلوس كتير جدا للعلاج'.

وردا على سؤال كيف واجه تكاليف علاج ابنته، قال صبحي خليل: 'لجأت لأصدقاء كتير، وكان عندي شقة في إسكندرية بعتها، لأن أول 12 جلسة علاج كانت أسعارها غالية جدا، والحمد لله تم شفاء بنسبة 85 أو 90 %، والدكتور أوصى بعملية زرع نخاع'.

وأكمل: 'حاولنا محاولات كتير نسافر فرنسا، وربنا وفقنا وعملت زرع نخاع في فرنسا، وأختها سافرت لها والحمد لله عدت على خير'.

يذكر أن صبحي خليل شارك في مسلسل 'المداح - أسطورة العودة'، الذي عرض في موسم رمضان 2024، بطولة حمادة هلال، فتحي عبدالوهاب، هبة مجدي، دنيا عبد العزيز، خالد سرحان، محمد عز، حنان سليمان، تامر شلتوت، صبحي خليل، سهر الصايغ، مي سليم، دياب، حمزة العيلي، تأليف أمين جمال، وليد أبو المجد، شريف يسري، إنتاج 'سيدرز آرت برودكشن – صباح إخوان'، إخراج أحمد سمير فرج، ويعرض الساعة 8 مساء على قناة mbc مصر.