قالت الفنانة صابرين إن الراحلة سعاد حسني شجعتها على تقديم الاستعراضات في السينما.

وخلال حوارها مع الإعلامية لميس الحديدي في برنامج 'كلمة أخيرة' على قناة ON، استعادت صابرين مقابلتها مع سعاد حسني قائلة: 'أستاذة سعاد حسني جتلي مرة في مسرحية حمري جمري، وهي بتتفرج عليا لقيتها بتقول لي إنت ضحكتك وقفلة عينيكي زيي. قالتلي إنت ليه مش بتعملي استعراضات في السينما. كان ساعتها السينما مشكلتها كانت مخدرات وحاجات كده.'

وأضافت: 'مكانش في الحاجات الميوزيكال. عملت استعراض بسيط في فيلم بنت الباشا الوزير، وفيلم أنا والعذاب وهواك، كان فيلم استعراضي ناعم لذيذ.'

وتابعت: 'تخيلي بتتفتح ستارة المسرح لقيت أحمد زكي وسعاد حسني، والمفروض في استعراض بعمله، بصيت لهم وبقوا يعيدوا المزيكا تاني وتاني.'