أعلن النجم أحمد سعد عن عرض المعطف (البالطو) الذي ظهر به في حفل توزيع جوائز جوي أووردز في مزاد، يتم توجيه عائداته إلى مستشفى 57357.

وقال أحمد سعد خلال استضافته في برنامج 'الحكاية'، الذي يقدمه الإعلامي عمرو أديب عبر قناة MBC مصر: 'البالطو الأشهر على السوشيال ميديا دلوقتي، أنا عارض البالطو للمزاد بداية من 5 مليون جنيه، وأي دخل من المزاد هيروح لمستشفي 57357'.

على جانب آخر، رد أحمد سعد على الانتقادات التي وجهت له بسبب إطلالته في حفل Joy Awards وظهوره بحلق في الأذن.

وقال أحمد سعد: 'الفكرة نفسها بتجيلي من الشكل أو الموديل بتاع الستايل اللي أنا عامله في الوقت دا، نرجع نشوف طب هو صح طب هو غلط، أنا لما شفت أن هو صح ولا غلط أنت هتبص للراجل على أنه بحلق أو مش بحلق أو بشعر ولا مش بشعر، دي كلها ملهاش علاقة بالرجولة دي ليها علاقة بالذكورة، والذكورة تختلف عن الرجولة بكتير'.

ب 5 مليون جنيه .. أحمد سعد يفتح المزاد على 'بالطو جوي أوورد' لصالح مستشفى ٥٧٣٥٧

وتابع أحمد سعد: 'أنت بتبص على البني آدم وبتقيمه بلابس إيه وبيعمل إيه؟ أنا مش من الناس دي، ولكن أنا اعتذرت عن أني لبست الحلق، الناس لما شافته انتقدت كتير جدا وأنا طلعت اعتذرت والناس بتقول هو كل شوية يعمل حاجة ويطلع يعتذر، أه كل شوية هعمل حاجة وأطلع اعتذر، المشكلة أن ألاقي الناس كلها شايفين حاجة في اتجاه، الناس اللي أنت عايش في وسطهم شايفين حاجة وأنت لأ شايف حاجة تانية، الناس اللي بنتقد وبتوجهني أنا عايش وسطهم اللي يرفضوه أرفضه واللي يقبلوه أقبله أنا مش عايش لوحدي ولكن أنا بتجيلي هفوات زي أي واحد'.

يذكر أن أحمد سعد طرح مؤخرا أحدث ألبوماته الغنائية بعنوان 'حبيبنا'.

يضم ألبوم 'حبيبنا' 9 أغنيات، يتعاون فيها أحمد سعد مع مجموعة من الشعراء والملحنين والموزعين الموسيقيين، وهي:

'مفتقدني'، كلمات تامر حسين، ألحان عزيز الشافعي، توزيع نادر حمدي

'عايز سلامتك'، كلمات تامر حسين، ألحان عزيز الشافعي، توزيع نادر حمدي

'لو تيجي'، كلمات أدهم معتز، ألحان تامر علي، توزيع نادر حمدي

'بسيط'، كلمات نادر عبد الله، ألحان أحمد إبراهيم، توزيع أحمد إبراهيم

'سودا سودا'، كلمات منة القيعي، ألحان إيهاب عبد الواحد، توزيع نادر حمدي

'تيجي نحارب'، كلمات منة القيعي، ألحان إيهاب عبد الواحد، توزيع أحمد إبراهيم

'عمري اللي فات'، كلمات محمد الشافعي، ألحان أحمد إبراهيم، توزيع أحمد إبراهيم

'أنا مشيت'، كلمات تامر حسين، ألحان عزيز الشافعي، توزيع نادر حمدي

'حبيبنا'، كلمات تامر حسين، ألحان مدين، توزيع أحمد إبراهيم