خرجت الفنانة رحمة محسن عن صمتها ووجهت رسالة لكل من يسئ لها بتعليق عبر مواقع التواصل الاجتماعي ،وذلك بعد إعلانها خبر زواجها.

ويبدو أن رحمة محسن لم تتمكن من الاحتفال بزواجها بشكل جيد بسبب بعض التعليقات التي تجاوزت في حقها.

وكتبت رحمة محسن رسالة نشرتها عبر حسابها على Instagram قالت فيها: 'أنا الست اللي مافيش يوم الناس والمجتمع سمحولي إني أعيش في سلام وراحة اتكتب عليا أكون من الناس اللي عمرها ما هتشوف في حياتها غير الشقا والتعب وإنها تكون بس عون للي حواليها'.

وتابعت رحمة محسن: 'أنا الفنانة المصرية والست والأم اللي اتظلمت من كل الدنيا وحتى بعد نجاحي اللي وصلته بعد تعب كبير أوي ماحدش يعرف عنه حاجة برضه الناس قررت تدوس وتكمل عليا وتخوض في عرضي وتستبيح أذايا وتدوس أوي من غير ذرة رحمة'.

وأضافت رحمة محسنك 'في الدنيا دي مافيش مخلوق شاف مني شر ولا أذى ولا عمري حتى رديت الإساءة بالإساءة بس الظروف دايما ليها في حياتي رأي تاني أكيد ربنا شايلي عنده حاجة أحسن بإذن الله يارب، يارب أخرج من الدنيا دي على خير يارب'.

وكانت رحمة محسن أعلنت قبل يومين عن زواجها دون الكشف عن أي تفاصيل أو هوية زوجها.

حرب نجوم #رمضان بدأت بدري قوي ... قصف الجبهة اشتغل بين محمد رمضان وأحمد العوضي ????

#عشماوي #سلطان_الديب https://t.co/ub6Wv3DL8l