كشفت الفنانة بسمة بوسيل عن المواصفات التي تبحث عنها في الرجل في حال فكرت في الارتباط مجددا.

وقالت بسمة بوسيل خلال لقائها في برنامج 'عندي سؤال' من تقديم محمد قيس: 'في اللي جاي أنا عايزة واحد يبقى قريب من ربنا، مش عايزه حد متدين أوي لكن بيعرف ربنا عشان يراعي ربنا فيا، ويكون بيصلي 5 مرات في اليوم وأشوفه قدامي بيصلي عشان دا العمود بتاع كل حاجة، لما أنت بتخاف ربنا بيكون في تربية من جواك، مش هقدر أكذب عشان ربنا هيزعل مني فهقول الحقيقة ومش هخون، لأن زي ما هعمل هاخد'.

وعن فكرة جنسية الرجل الذي تتمنى الارتباط به إن كان مصريا أو مغربيا أو حتى أجنبيا قالت بسمة بوسيل: ' أنا كده كده لازم أتجوز مسلم عاوزة واحد بيعرف ربنا وبيخاف منه لأن بعد كده كل حاجة بتظبط، مش عارفة جنسيته إيه بس لازم مسلم'.

وأوضحت بسمة بوسيل أنها حتى الآن غير مستعدة للارتباط قائلة: 'أنا لسه مش جاهزة للارتباط، أنا دلوقتي مش بستحمل حد يتحكم فيا أبدا لو قالي متسافريش مثلا ممكن اتجنن، عايزة أكون مع نفسي في راحة، عايزة أصحى الصبح أسافر أي مكان أو أدخل استديو أغني أو أروح شركتي أو أسافر المغرب لأهلي، لما تبقى حاسس أنك مسجون وطلعت من السجن طبيعي مش هتبقى عايز حد يكلمك، عايزة حرية، ودا ترسبات عن الماضي'.

يذكر أن بسمة بوسيل عادت للغناء من جديد بعد فترة طويلة من التوقف وأصدرت عددا من الأغنيات المنفردة.