كشفت الفنانة ريهام عبد الغفور عن تعرضها للتحرش في طفولتها.

وخلال لقائها في بودكاست 'منا وفينا' تحدثت ريهام عبد الغفور عن دور الفن في المجتمع رافضة ما يقال أن بعض الأعمال تحرض على العنف، مشيرة إلى أن هناك أعمال تلقي الضوء على أزمة حقيقة لمحاولة حلها.

وذكرت ريهام عبد الغفور كمثال مسلسل 'لام شمسية' موضحة أنه ألقى الضوء على قضية التحرش بالأطفال وهو ما عانت منه في طفولتها وسبب لها صدمة.

وقالت ريهام عبد الغفور: 'مسلسل 'لام شمسية' طرح موضوع مهم أنا نفسي تعرضت له وأنا طفلة حصل ليا تحرش من راجل صاحب أهلي وأكبر من أهلي وكانوا بيعتبروه أبوهم، بسبب اللي حصلي كنت بحمي أولادي بشكل كبير لأن عندي تروما، ثقتي في الناس من ناحية أولادي مش سهلة أبدا'.

كما تحدثت ريهام عبد الغفور عن مسلسل 'أزمة منتصف العمر' موضحة أنه كان صادما لها بمجرد أن قرأت السيناريو مشيرة إلى أنهم عقدوا جلسات عمل عديدة حتى يتم إجراء بعض التعديلات.

وقالت: 'أكتر دور خفت منه في حياتي أول ما قريته كان أبويا الله يرحمه كان لسه عايش وعادة من زمان مكنتش باخد رأيه في الأدوار لأنه قالي الدور اللي هتحسيه هتعمليه ارتبيت على كده، لكن 'أزمة منتصف العمر' في الأول كان مكتوب أن البنت بنتها فاتسرعت وخفت أوي ولما أخدت رأي أبويا هو كمان خاف أوي من الموضوع'.

وتابعت ريهام عبد الغفور: 'اتناقشنا في الموضوع أنا وفريق العمل لأن حته أنها أمها البيولوجية كانت صادمة أكتر لكن فكرة أنها زوجة أب كان أقل شوية، الناس اتصدمت جدا من الدور لكن الدنيا فيها مصايب كتير جدا وبتحصل'.

وأكملت: 'أنك تطرح مشكلة حتى لو هي صادمة وتوري الناس أنها حاجة هتدمر حياة الجميع، أنا عمري ما ندمت إني عملت الدور دا مع إني اتشتمت عليه كتير، إحنا مش بنشجع على حاجة لأنهم في النهاية معاشوش حياة وردية دا بمجرد ما حصل بينهم حاجة اتقلبت حياتهم وماتوا موتة شنعية، مش ممكن مناخدش بالنا من مشاكل عشان إحنا بنشجع لأ إحنا بنوري الناس هيحصل إيه'.

يذكر ان ريهام عبد الغفور شاركت في موسم رمضان 2026 بمسلسل 'حكاية نرجس'.

وشارك في بطولته إلى جانب ريهام عبد الغفور وحمزة العيلي كل من سماح أنور وتامر نبيل وبسنت أبو باشا وآخرين، وهو من تأليف عمار صبري وإخراج سامح علاء.

حرب نجوم #رمضان بدأت بدري قوي ... قصف الجبهة اشتغل بين محمد رمضان وأحمد العوضي ????

#عشماوي #سلطان_الديب https://t.co/ub6Wv3DL8l