تحدثت الفنانة سلوى خطاب عن الزيجة الوحيدة في حياتها من المخرج الراحل اسامة فوزي، وكشفت عن سبب عدم تفكيرها في الزواج ومجددا والانجاب.

وقالت سلوى خطاب خلال لقائها في برنامج 'الصورة مع لميس الحديدي': 'أسامة فوزي ليه مكانة عندي منتهتش، إحنا انفصلنا بسبب تضارب الأفكار، يمكن وقتها ماكنش عندي قدرة على التحمل، إحنا نعرف بعض من أيام المعهد ولمدة 15 سنة، واتجوزنا 5 سنين'.

وتابعت سلوى خطاب: 'طول عمري كنت بقول أنا مش عايزة أعيش قصة حب عادية واتجوز كنت عايزة أعيش قصة حب فيها تحدي وإثارة، اتجوزنا لمدة 5 سنين، هو كان بني آدم محترم على المستوى الشخصي والفني، لما انفصلت أنا وأسامة كنت بقول لأصحابي تصدقوا طلقني، كنت بفضل أزن كل يوم طلقني طلقني ولما طلقتني قلتله طلقتني'.

وعن فكرة عدم زواجها مجددا قالت: 'الجواز مهم عشان تخلفي وتعملي أسرة فلما الراجل اللي حبيته محصلش نصيب يبقى خلاص، بس هو قدر وأنا مش بزعل من القدر وبقول ما يمكن في مصلحتي ويمكن العيال دي كانوا تعبوني عمري ما باخد الحاجة بمأساة، أنا كنت خايفة من حكاية الخلفة بخاف من المجتمع وإن بيبقى مسئولية مبقاش قدها ولازم اتفرغ لهم لما كنت بشوف المجتمع حواليا إذا كنت أنا تعبانة في المجتمع أجيب عيال إزاي ودي وجهة نظري وممكن تكون مش صح وأنا معرفش أعمل حاجة نص ونص'.