دائما ما تثير الإعلامية ريهام سعيد الجدل بتصريحاتها وأزماتها مع الفنانين.

آخر ما فعلته هذا المرة وعلى عكس التيار وأغلب الإعلاميين، ظهرت لتنتقد تصرف مديرة مدرسة بالقليوبية التي واجهت المحافظ أنها هي من تقوم بالصرف على المدرسة.

ونتذكر في السطور التالية أبرز المواقف لريهام سعيد:

هاجمت ريهام سعيد الفنان مصطفى كامل بسبب حفل أحياه في الساحل الشمالي، وقالت عنه: 'تفتكروا يصح إن نقيب الموسيقيين يغني تيته وبرتيته وبيحاسب مطربين تانيين على تصرفاتهم؟ بقولكوا إيه قشطة يابا'

وكان لها موقف آخر مع الفنان محمود العسيلي وتحديدا عام 2019، عندما رفض التقاط صورة مع واحد من جمهوره وقالت: 'كنت لما بشوفك بنتقدك عشان غرورك غير المبرر، بس دلوقتي كرهتك، إلا كسر الخواطر، النجومية أخلاق'

في عام 2019 هاجمت ريهام سعيد الفنانة اللبنانية ميريام فارس بسبب تصريحات الأخيرة عن سبب قلة حفلاتها في مصر وقولها 'ثقيلة على مصر' وقالت ريهام سعيد عنها: هي تقيلة فعلا بس مش في أجرها هي مش مطلوبة في مصر عشان هي تقيلة علينا مش عشان الأجر، إحنا لو عملنا حفلة لميريام فارس في مصر محدش هيروحها'

هاجمت ريهام سعيد الفنان محمد رمضان بسبب إطلالته في حفله بأمريكا في 2025 وقالت: مش محتاج التريند وإن الناس تتكلم عنه، ولكن بعض النجوم عندهم فكرة لما يطلع عني خبر سيئ فهو دعاية كويسة

ومع أزمتها مع طبيب التجميل نادر صعب واتهامه لها بتشويه وجهها، كان هناك خلاف بينها وبين عبير صبري وقالت عنها: 'قابلتني وقالتلي ما إنتي كويسة أهو، كنت رايحة حفلة على البحر وشفتها أنا الوحيدة اللي حاطة مكياج، أنا سبت الحفلة وركبت عربيتي وفضلت أعيط، كنت عايزة أقولها لو تعرفي كم الألم اللي فيا

وتحدثت ريهام سعيد عن الفنانة أيتن عامر وقالت عنها: 'اتكلمت عني بشكل مش لطيف، أنا مفيش بيني وبينها أي حاجة وأنا بكن ليها كل احترام، اتسألت سؤال في برنامج إيه رأيك في ريهام كممثلة؟ فقالت محتاجة تشتغل على نفسها شوية، أنا حسيت أن مينفعش زميل يقيم زميل'

ودائما ما يتواجد اسم ريهام سعيد وبجانبه كلمة أزمة، وآخرها أزمة حلقتها عن 'كلاب الشوارع' واستدعائها للتحقيق في يونيو الماضي

الخلاف الأكبر بينها وبين طبيب التجميل اللبناني نادر صعب واتهامها له بتشويه وجهها استمر الخلاف لفترة إلى أن حدث بينهما الصلح في منتصف 2025