كشف الفنان عمرو سعد عن رأيه في فكرة المنافسة بين النجوم في رمضان.

وقال عمرو سعد في لقاء مع blinxnow: 'أنا رأيي مفيش منافسة دي صناعة السوشيال ميديا كلنا في فريق واحد ممكن واحد يجيب جون دا ميمنعش أن التاني ممهدلوش أو مكانش جزء من المبارة اللي بتتلعب عشان الجمهور ينبسط'.

وتحدث عمرو سعد عن دوره في مسلسل 'إفراج' موضحا أنه أراد الظهور بشكل مختلف هذه المرة وأن يعتمد على إيصال المشاعر عبر نظرات العيون قائلا: 'ماروحتش الجيم المرة دي الجيم مهم بس أنا السنة دي معتمدتش على تقديم الشخصية من الحتة دي، حبيت أعمل شخصية لها أبعاد إنسانية واشتغل بنظرات العيون'.

على جانب آخر، كان عمرو سعد رد على جدل الأعلى أجرا والأعلى قيمة تسويقية بين النجوم، وهو الجدل الذي أثير خلال الفترة الماضية بعد حديث عدد من النجوم أنهم الأعلى أجرا في الوطن العربي.

وقال عمرو سعد خلال لقاء مع ET بالعربي: 'من 5 سنين مبتكلمش في الحكاية دي وبقرأ حاجات كتير، مفيش محطة في مصر ولا منصة ومنتج لا يعلم أن عمرو سعد هو الأعلى قيمة تسويقية في العالم العربي كله مش في مصر'.

وتابع عمرو سعد: 'مش معنى أعلى أجرا وأعلى قيمة تسويقية يبقى أنا الأفضل، مش بحب صيغة المقارنات'.

يذكر أن عمرو سعد ينافس في موسم رمضان 2026 بمسلسل 'إفراج'.

مسلسل 'إفراج' مستوحى من قصة حقيقية، إخراج أحمد خالد موسى، بطولة عمرو سعد، تارا عماد، حاتم صلاح، جهاد حسام الدين، أحمد عبدالحميد، الطفل آسر، عمر السعيد، محسن منصور، عبدالعزيز مخيون.

بيتر ميمي يرد على كابتن إيلا بعد تعليقها على مسلسل 'صحاب الأرض'