حل الفنان حازم إيهاب ضيفا على برنامج 'لمن يهمه الفن'، تقديم أميرة نور على نغم إف إم، للحديث عن جديده ومسلسل '2 قهوة' المعروض حاليا.

قال حازم إيهاب: 'طول عمري شخص محظوظ فى حاجات كتير من وأنا صغير، وبحمد ربنا على نعمة الحظ، كنت بعمل فيديوهات هى السبب فى إنى اكتشف موهبتي فى التمثيل، بس لما دخلت ورشة تمثيل مع المخرج خالد جلال اكتشفت ان الفيديوهات اللى كنت بعملها مالهاش علاقة بالتمثيل خالص'.

وتابع حازم إيهاب: أتمنى جدا أشتغل مع الفنان كريم عبد العزيز، وبحب التمثيل بسببه وهو مثلى الأعلى فى الشغلانة.

وعن دوره في مسلسل '2 قهوة' الذي يعرض حاليا ويشارك في بطولته مع أحمد فهمي ومرام علي، قال: 'ما اترددتش لحظة إني أوافق على مسلسل 'إتنين قهوة' بمجرد ما كلمنى عليه المؤلف عمرو محمود ياسين، لأني كان نفسى أشتغل معا'.

وعن إجابة من يفضل شرب القهوة معه، قال حازم إيهاب: 'لو هشرب إتنين قهوة مع حد هختار أشربها مع الفنان أحمد العوضي'

وعن جديده في الفترة المقبلة قال: 'الجديد عندى الفترة الجاية إنى بشارك فى مسلسل 'موناليزا ' فى رمضان الجاي، بطولة مى عمر، وكمان هدخل مسلسل اسمه 'ابن النصابة' مع الفنانة كندة علوش'.

وتحدث حازم إيهاب عن الدور المقرب لقلبه قائلا: 'دوري فى مسلسل (حكايات بنات)، هو الأقرب لشخصيتى الحقيقية، عشان كدة ما ذاكرتوش، كمان اتبسطت جدا بمشاركتى فى حلقة من حلقات المسلسل العالمى ' moon knight'.

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟