عبرت الفنانة الشابة ياسمينا العبد عن حالة الامتنان والتأثر التي تعيشها بعد انتهاء عرض مسلسلها 'ميدتيرم'، وذلك من خلال رسالة مطولة نشرتها عبر حسابها الرسمي على موقع انستغرام، كشفت خلالها عن مشاعرها الصادقة تجاه فريق العمل والجمهور، مؤكدة أن التجربة كانت الأقرب إلى قلبها في مشوارها الفني حتى الآن.

ياسمينا العبد: ميدتيرم أقرب تجربة فنية إلى قلبها

وكتبت ياسمينا العبد في منشورها: 'أنا كنت متأخرة فى البوست ده لأنى حقيقى مش عارفة أعبّر عن مشاعرى بعد نهاية المسلسل، مش عارفة أقول إيه ولا أشكركم إزاى. المسلسل ده أقرب حاجة عملتها لقلبى، أنا بجد مش قادرة أوصف التعب والمجهود اللى اتبذل من أكبر شخص لأصغر شخص، اللى ورا الكاميرا قبل اللى قدام الكاميرا، بس الحقيقة إن كل شخص اشتغل فى المشروع ده كان جزء أساسى من نجاحه'.

قد تحبين قراءة.. ياسمينا العبد في 4 أعمال فنية بين الدراما والسينما قريبًا

وأضافت ياسمينا العبد :'وإحنا بنقرأ وبنحضر عمرنا ما كنا نتخيل إننا نوصل للتوب 1 على شاهد وWatch It، ولا إننا نوصل لمليار مشاهدة. يعنى إيه الرقم ده أصلًا؟؟؟؟ كنت خايفة جدًا وأنا بشتغل على المشروع ده لأنى ما كنتش عارفة هل هكون قد التحدى ولا لأ، لولا الأستاذة مريم الباجورى، واحدة من أهم المخرجين دلوقتى، ما كانش هيبقى فيه مسلسل أصلاً'.

إشادة خاصة بالمخرجة مريم الباجوري

وتابعت ياسمينا العبد:'بشكرك على ثقتك في وثقتك فى الشباب، وبنشكرك على العظمة اللى أنت فيها، أنا فخورة إنى كنت جزء من أول عمل درامى ليكى، بحبك جداً جداً جدًا. كل النجوم اللى كان ليا الشرف إنى أشتغل معاهم، شكرًا على شغلكم اللى فوق العظمة، إنتوا كسّرتوا الدنيا!! عمرى ما اشتغلت مع ناس مليانة بالشغف بالشكل ده والكيميا اللى كانت بينا كانت توفيق كبير من ربنا'.

ياسمينا العبد: اللي بيطلع من القلب بيروح للقلب

واختتمت ياسمينا العبد رسالتها قائلة:'إنتم شكراً ليكم إنتم على كمية الحب اللى أنا لحد النهارده مش قادرة أستوعبها، اندمجتوا فى القصة بشكل عمرى ما شوفته فى حياتى، وتقريبًا عمرى ما هشوفه، المشروع ده ليكم، صوتكم مسموع وتحدياتكم متقدّرة، اللى بيطلع من القلب بيروح للقلب. شكرًا من هنا لبُكرة'.

مسلسل 'ميدتيرم' عمل شبابي اجتماعي من إنتاج وزارة التعليم العالي والبحث العلمي بالتعاون مع الشركة المتحدة للخدمات الإعلامية، ويروي العمل قصص مجموعة من الطلاب المصريين والعرب داخل إحدى الجامعات المصرية، مسلطاً الضوء على تحديات الحياة الجامعية، من الدراسة والعلاقات إلى الصراعات الاجتماعية التي يعيشها الشباب في هذه المرحلة الحساسة.

قد تحبين قراءة.. نجوم جيل زد: نجومية مستحقة وشباب واعد لمستقبل أكثر إشراقاً

مسلسل 'ميدتيرم' يشارك في بطولته كل من: ياسمينا العبد، زياد ظاظا، دنيا وائل، يوسف رأفت، جلا هشام، بسنت أبو باشا، أمينة باهي، ريم رأفت، إلى جانب عدد من الفنانين الشباب وضيوف الشرف، من بينهم حازم سمير، وآلاء سنان، وأحمد عزمي، من إخراج مريم الباجوري، وتأليف محمد الصادق، وإنتاج المتحدة استديوز.