كشفت الفنانة منى زكي عن رأيها في الفنانة غادة عبد الرازق ووجهت لها رسالة.

وخلال لقائها في برنامج 'الصورة مع لميس الحديدي' قالت منى زكي عن غادة عبد الرازق: 'فنانة كبيرة وقوية جدا وأنا من معجبينها غادة عبد الرازق بتغيب والناس بتستناها في أي لحظة لأن أي عمل هي عملته قبل كده علم كويس أوي في الناس'.

وتابعت منى زكي: 'هي لازم تعرف قيمتها ولازم تفهم أن الناس بتبقى مستنياها، أستاذة كبيرة وفنانة قوية ومتفردة في اللي هي بتعلمه غير أي حد قوة وثبات غير عادي شفت ليها لقاء من قريب وعايزة أوصلها بصي إنتي بتغيبي قد إيه والدنيا اتقلبت عشان انتي طالعة في برنامج دا معناه إنك سبتي علامة عند الناس موجودة طول الوقت هما مستنينك تاني '.

ومن جانبها ردت غادة عبد الرازق على كلام منى زكي وكتبت عبر حسابها على Instagram: 'لى الشرف إني اسمع الكلام الجميل دة من نجمة جميلة وعظيمة زيك شكرا على قلبك الجميل وعلى إحساسك الراقي بس دة مش غريب عليكي هيا دى منى زكى هيا دى سندريلا الفن المصري والعربي'.

ويعرض للفنانة منى زكي حاليا مسلسل 'طالع نازل' على منصة 'شاهد mbc'، ويشارك في بطولته محمد شاهين، مريم الخشت، ليلى عز العرب، ميمى جمال، حمزة دياب، شاهين ومن تأليف سماء أحمد عبدالخالق وإنجى القاسم ومن إخراج هانى خليفة.

كما عرض لمنى زكي مؤخرا فيلم 'الجواهرجي' الذي يجمعها بالنجم محمد هنيدي، ويشارك به نخبة من النجوم: لبلبة، أحمد صلاح السعدني، تارا عماد، باسم سمرة، عارفة عبد الرسول، ريم مصطفى، والراحل أحمد حلاوة، تأليف: عمر طاهر (بمشاركة يسر طاهر)، إخراج: إسلام خيري، إنتاج: وليد صبري.