كشف الفنان أمير كرارة تفاصيل مسلسله الجديد الذي انشغل في تصويره الفترة الماضية.

وقال أمير كرارة خلال لقائه في برنامج 'صاحبة السعادة': 'بصور مسلسل 10 حلقات بس إحنا رايحين لحتة أكتر فيها رعب الناس برضو معندناش حاجة اتعملت زي دي غير حاجتين مثلا الفترة اللي فاتت، فيه رعب رايحين في سكة مختلفة غير اللي كنت شغال فيها في الأول وغير الكوميديا زي 'البعبع' و 'الشاطر' دا حاجة مختلفة فيها شوية رعب وإثارة وقصة 'النداهة' حاجة أسطورية طول عمرنا كنا بنسمع عنها المرة دي هنشوفها بشكل مختلف خالص مفيش أكشن في المسلسل كله كانت تجربة مختلفة بالنسبة ليا وحاسس أنها هتعجب الناس حاجة تنزل في الشتاء تحب تتفرج عليها، حاجة مختلفة عن كل مرة'.

وتابع أمير كرارة: 'المخرج بكير محمد بكير قال لي أنه مبسوط وهو بيتفرج على المونتاج وبيتحايل عليا أروح اتفرج بس لسه مش عايز اتفرج، بيقولي إني طالع بشكل مختلف وملامحي غير والتمثيل مختلف المسلسل كان فيه مساحة حلوة أني أقدم تمثيل ومشاعر'.

وعن موسم رمضان أوضح أمير كرارة أنه سيشارك به قائلا: 'عندي مسلسل إن شاء الله في رمضان اللي جاي بس لو حسيت أن المسلسل مش قوي أو ميلقش بالمشاهد أنا مش هشتغل قررت مش هعمل حاجة غير لما يكون المسلسل كويس والناس تنبسط بيها'.

يذكر أن أمير كرارة عرض له مؤخرا فيلم 'الشاطر' من تأليف أحمد الجندي وكريم يوسف، وإخراج أحمد الجندي وانتاج سينرجي فيلمز بالتعاون مع بيراميدز للانتاج الفني، بطولة هنا الزاهد ومصطفى غريب وعادل كرم وأحمد عصام السيد وخالد الصاوي.