قالت الفنانة صبا مبارك إنها تبحث دائما عن أدوار جديدة ومختلفة لتقديمها، ولا تهتم بالشكل الذي تظهر به المهم هو الدور كما هو الحال في حكاية 'جريمة في الزمالك' ضمن حكايات مسلسل 'القصة الكاملة'.

وأوضحت صبا مبارك أنها وصلت لمرحلة أصبحت فيها ترفض أدوار عديدة، قائلة: 'أنا أسهل واحدة في العالم لو مش لاقية حاجة مختلفة أعملها هقعد في البيت، وصلت لمرحلة إني أقول لأ لو الحاجة مش عجباني، الحمد لله مستورة، حتى وأنا محتاجة قعدت في البيت لأني عندي شغف بالحاجة اللي بعملها، صدف إني عملت أعمال مش بحبها بس كنت بكون في أتعس حالاتي، مستعدة اضغط على نفسي وأشد الحزام لو حسيت أن العمل مش هيخلني هقدم حاجة'.

وعن حكاية 'جريمة في الزمالك' قالت صبا مبارك خلال لقائها في برنامج 'تفاعلكم': 'مترددتش ولا ثانية بقبول الدور أنا اللي سعيت إني أكون موجودة في سلسلة 'القصة الكاملة'، الممثل كل فترة في حياته الفنية يتم وضعه في قالب معين، الفتاة البريئة مثلا وأنا من فترة بدور على دور يستفزني ويكون مختلف وأنا بحب سلسلة 'القصة الكاملة' لسامح سند وأنا اللي فتحت الباب مع مجدي الهواري وقلتله إني حابه أكون موجودة واتكلمنا عن أكتر من قصة وفي الآخر اخترنا 'جريمة في الزمالك' حلاوة القصة إني لما قريتها كلنا قلنا إنها جريمة ناعمة مش شبه باقي الجرائم فيها دموية شديدة، ودا كان تحدي أن القصة مبنية تفاصيلها نفسية ومحتاج إحكام في التمثيل'.

وعن إن كانت تعاطفت مع الشخصية أم لا قالت صبا مبارك: 'كل إنسان عبار عن اختياراته دا إيماني أنت بتختار عايز تكون إيه ممكن شخصين يتربوا في نفس البيت في نفس الظروف واحد يطلع عالم وواحد مجرم، في لحظة معينة القدر بيحطنا تحت اختبارات والاختيارات هي اللي بتغير حياتك، في الطريق ربنا بيديك الفرصة أن تتراجع لو أنت قوي النفس هترجع عن طريق الهلاك لكن لو ضعيف النفس هتتورط في اختيار أصعب لحد ما توصل لمرحلة أن الرجوع عن الخطيئة غير ممكن ويكون مقابلها العقاب'.

وحكاية 'جريمة في الزمالك' بطولة صبا مبارك، أحمد بهاء، محمد علي رزق، رندة كعدي، وحازم إيهاب وجلال عشري، من تأليف عمرو سمير عاطف، وإخراج محمود عبد التواب، وإنتاج مجدي الهواري.

حرب نجوم #رمضان بدأت بدري قوي ... قصف الجبهة اشتغل بين محمد رمضان وأحمد العوضي ????

#عشماوي #سلطان_الديب https://t.co/ub6Wv3DL8l