انتشر مؤخرا عبر مواقع التواصل الاجتماعي أنباء تؤكد أن عمر محمد رياض ينوي تقديم جزء ثاني من مسلسل 'لن أعيش في جلباب أبي'، الذي لاقى نجاحا كبيرا ومن الأعمال الشهيرة لوالده، وبين سعادة محبي العمل وقلق البعض، أوضح الفنان محمد رياض حقيقة الأمر.

قال محمد رياض: 'كل الحكاية، أنا كان في صورة حد رسمها لي عجبتني جدا، عبد الوهاب بيحري والجلابية بتجري وراه، نزلتها على الصفحة بتاعتي وقولت عجبتني أوي الصورة وبشكر اللي عملها، لغاية كدة تمام محصلش حاجة يعني، عمر ابني كتب (بعض الحكايات لا تنتهي)، بمعناه يعني أن الجمهور هو اللي عايز حكاية الجلابية ماتنتهيش، واحنا بنفكر يتعمل جزء تاني، عادي يعني'.

وأضاف محمد رياض: الدنيا اتقلبت، ولقيت أصحاب الحقوق بيكلموني، وهنرفع عليكم قضايا ومافيش حاجة حصلت يعني.

ومسلسل 'لن أعيش في جلباب أبي' يعتبر علامة من علامات الدراما المصرية، أنتج عام 1996 ومن بطولة نور الشريف وعبلة كامل وعبد الرحمن أبو زهرة ومحمد رياض ومصطفى متولي وناهد رشدي وياسر جلال ووفاء صادق ومنال سلامة وحنان ترك وأحمد سلامة ورشوان توفيق ومخلص البحيري، عن قصة إحسان عبد القدوس، سيناريو وحوار مصطفى محرم وإخراج أحمد توفيق.

لو فاتك: الحلقة الثانية من برنامج 'غالب ولا مغلوب' ... المنافسة دخلت مراحل مهمة ومفاجآت في النتايج ‍♂️