روى المخرج رامي عادل إمام كواليس تجربة التمثيل التي خاضها مع والده، النجم الكبير عادل إمام، في فيلم 'النوم في العسل'، ورأي والده فيها.

وقال رامي إمام خلال لقائه في بودكاست 'فضفضت أوي' تقديم المخرج معتز التوني: 'في مشهد مع أبويا، المشهد اللي بييجي يبص علي وأنا بلعب تنس ويبتسملي من بعيد ويبدأ يقرب مني، وبدأنا تصوير وأخدنا زاوية أبويا، وقال أنا قلت الجملة حلو جدا، وجه دوري وزاويتي وفجأة الدنيا ابيضت في وشي ومفيش حاجة بتطلع'.

وأضاف رامي إمام: 'جه أبويا وقال اهدا مفيش حاجة ركز واتكلم، وهو الوحيد اللي كان بيشجعني'.

وتابع رامي إمام: 'أول يوم تصوير قلت الكلام بالعافية، واليوم الثاني كان أسوأ من الأولاني وكانت تجربة قاسية جدا، وأبويا قال لي متمثلش تاني يا ابني خليك في الإخراج'.

على جانب آخر، كشف المخرج رامي إمام عن سبب اعتذاره عن عدم إخراج مسلسل النجمة يسرا الجديد لرمضان 2026، ويحمل اسم 'حرم السفير'.

وقال رامي إمام: 'كان نفسي جدًا أكمل المسلسل مع يسرا هي حبيبة قلبي وبعشقها وبحبها كان نفسي أكون موجود معاها ولكن ظروفي مسمحتش وكنت مرتبط بأعمال أخرى والأعمال دي ممكن تيجي قبل أو بعد رمضان وأنا مبحبش أدي كلمة لحد غير وأنا واثق منها مليون في المية وأتمنى أشتغل معاها'، حسب تصريحاته لبرنامج 'ET بالعربي'.