أدلت الفنانة ياسمين رئيس بتصريحات مثيرة عن كواليس تبرعها بفستان حفل زفافها، مشيرةً الى أنها لا تعترف بذكريات ذلك اليوم، وأنها لم تتردّد في اتخاذ هذا القرار، حيث إنها تنظر دائماً الى المستقبل ولا تلتفت الى الماضي.

وقالت ياسمين في تصريحات صحافية على هامش حضورها فعاليات 'مهرجان المركز الكاثوليكي للسينما': 'مكنش صعب عليا أتبرع بفستان فرحي، واتعلّمت في الكام سنة اللي فاتوا دول إن مفيش حاجة اسمها ذكريات، بركز دايماً لقدّام أو في اللحظة اللي أنا فيها'.

وعن كواليس تجسيدها دور فتاة شعبية في فيلم 'الفستان الأبيض'، قالت ياسمين رئيس: 'مش محتاجة أعمل معايشة عشان أقدّم دوري في الفستان الأبيض أنا زيي زيكوا، بس أتمرنت مع حد عشان أظبط اللكنة والكلام، والناس شافت الفيلم والتعليقات كانت حقيقية، واتأثروا وبعضهم حصل لهم نفس المشكلة'.

فيلم 'الفستان الأبيض' هو بطولة الفنانين: ياسمين رئيس، أسماء جلال، أحمد خالد صالح، ميمي جمال، سلوى محمد علي، ولبنى ونس، عدد من ضيوف الشرف، بينهم أروى جودة وإنجي أبو السعود، ومن تأليف وإخراج جيلان عوف، وإنتاج محمد حفظي.