كشف الفنان خالد الصاوي عن ندمه أنه لم يتزوج مبكرا وينجب.

وقال خالد الصاوي خلال لقائه في برنامج 'مع نزار' من تقديم 'نزار الفارس': 'ندمت إني مخلفتش، الجواز لازم يبقى بدري لو خلفت دلوقتي هبقى جده مش أبوه هحبه بس مش هلحق أكمل معاه المشوار'.

وتابع خالد الصاوي متحدثا عن سبب عدم إنجابه: 'أنا مخلفتش عشان كان عندي فيرس سي وكنت بتعالج منه وأخدت حاجة زي 'سم' بيتعقب الفيروس في الجسد عشان يسممه، جسمي كان فيه فيروس وسموم هخلف ليه، لكن دا برضو مكنش قرار صح'.

وخلال اللقاء تحدث خالد الصاوي عن فترة من حياته في عمر الثلاثييات والأربعينيات من عمره عندما سلك طريق الإلحاد وكيف عاد منه.

قال خالد الصاوي: 'كنت ملحد سنين، كان بالنسبة لي القضية إزاي؟ كان عندي إيمان قلبي شوية، في نوع بيسموه الإلحاد بس صوفي، بمعنى، إنها قضية لا يمكن حسمها، 50% فيه إله، و50% مافيش، لأنه الحواس مش موصلة لك، والاستنتاج العقلي بيدي لك الاتنين، ممكن يقول لك أحيانا طبعا في إله، وأحيانا تانية يقول لك لأ، أنا وصلت لها بالقلب مش بالعقل'.

وتابع: لما بليل بتعرض لموقف وأبقى حاسس إن أنا هموت وهتشل أو هروح المستشفى، وأقول يارب انقذني، ليس من الرجولة بقى ولا النخوة إنك تصحى الصبح وتكفر به، وكذا مرة بنقذني في اللحظة الحرجة، بس لو أنت شوفت بيعمل معايا ايه وبينقذني إزاي لازم تؤمن.

وعن رحلة تعاطيه المخدرات، قال خالد الصاوي: 'طبعا، وصلت للحافة من كل شيء، ما بين الحياة والموت، وما بين العقل والجنون ومابين المشروع والجريمة'.

يذكر أن خالد الصاوي تعاقد على المشاركة في الموسم الخامس من مسلسل 'المداح'، المقرر عرضه في شهر رمضان المقبل.

من المقرر أن يقدم خالد الصاوي دور الشيطان، والذي قدمه فتحي عبد الوهاب في الجزء الرابع.

مسلسل 'المداح 4' من بطولة حمادة هلال وشارك فيه فتحي عبد الوهاب، خالد سرحان، هبة مجدي، سهر الصايغ، حنان سليمان، دنيا عبد العزيز، صفاء جلال، وضيف الشرف دياب، مي سليم، أحمد خالد صالح وغيرهم.