كشفت الفنانة يسرا اللوزي عن معاناتها من الإرهاق بعد العمل والتصوير لفترات طويلة، وهو ما يسمى بالاحتراق الوظيفي، كأن هناك خطأ يحدث معها، يمنعها من استكمال حياتها وتفاصيلها اليومية.

وقال يسرا اللوزي خلال حلولها ضيفة على برنامج 'معكم منى الشاذلي'، المذاع عبر شاشة ON مع الإعلامية منى الشاذلي، مساء الخميس، إنها نتيجة لذلك لجأت إلى طبيب نفسي منذ 8 سنوات، للتعامل مثل تلك الأمور، متابعة: 'وده يرجع لظروف التصوير غير الآدمية، اللي شغالين فيها وبتزداد سوءًا كل سنة، يعني أنا متأكدة لو كنت بصور 12 ساعة في اليوم مكنش هيحصلي كده، مواعيد الشغل وظروف التصوير في مصر، لعبت دور في ده'.

كما أشارت الفنانة إلى أنها لجأت للطب النفسي، بعد موسم عمل ضاغط نفسيًا، شعرت وقتها إنها لا ترغب في الاستكمال، مضيفة: 'حسيت إني مش عايزة أكمل أصلا في الشغل، وبعدها حسيت مفيش حاجة تستاهل في الدنيا إني أحس كده، فحسيت إني مش كويسة، فروحت لدكتورة نفسية'.

لفتت إلى أنها تشعر بتحسن عندما تلتزم بجلسات العلاج مع طبيبتها، مشيرة إلى أن الطبيبة تعلمها كيفية قول كلمة 'لأ'، لأنها تحب إرضاء الجميع في حياتها، واستكملت: 'حتة إرضاء الجميع دي واخداها من أمي الله يرحمها، دايما عايزة تسعد كل الناس بس هي تعبانة من جوه، فابتديت أتعلم إني أحط حدود، وأمتى اقول لأ.. لأن كان أي حد ممكن يقولي أي حاجة أعملها، وبعدين ألاقي نفسي مضغوطة ولازم التزم بكلمتي وأنا مش قادرة، فكان لازم أحل أصل الموضوع ده'.

كما أشارت إلى أنها لا تستطيع الالتزام وقت التصوير وضغط العمل، بالجلسات مع طبيبتها، لذلك تعاني مرة أخرى بسبب الضغط.