هاجمت الإعلامية إنجي أنور الرابر الشهير ويجز، بعد حديث الأخير عن الفنان رامي صبري في فيديو عبر صفحته في موقع التواصل الاجتماعي إنستجرام، بطريقة أثارت الجدل واستياء زوجة رامي شيرين عادل.

وقالت إنجي أنور، خلال تقديمها برنامج 'مصر جديدة' عبر قناة ETC إن حديث رامي صبري عن ويجز في برنامج 'حبر سري' لم يحمل أي إساءة تستدعي رده، مضيفة: 'أزمة بدون أي لازمة، ده اللي أقدر أقوله على خلاف رامي صبري وويجز'.

وأضافت: 'الراجل اتكلم حلو جدا عنك، وفي نص الكلام قال إنه مش بيفهم كلمات ويجز، هو ما أجرمش وأنا أضم صوتي لصوت رامي صبري، أنا مش بفهم كلمات ويجز، لكن هو تجربة تستحق نتوقف عندها، وراجل ناجح وله جمهوره'.

وتابعت إنجي أنور: 'فيديو ويجز ملهوش أي تلاتين لازمة، والفيديو ده مش لصالحك، وإن نم على شيء فينم على إنك مغرور وتنك جدا، لأ هو كان ناجح ونجم من قبلك واحترم نجاح اللي سبقوك'.

واختتمت إنجي أنور قائلة: 'الحقيقة طريقة ويجز غير مقبولة، مش علشان نجحت شوية ولبست طقم فلانتينو بقيت فوق النقد ومحدش يقرب منك، ده عبد الحليم حافظ ومحمد الوهاب وفريد الأطرش انتقدوهم'.

وكان ويجز هاجم الفنان رامي صبري بعد حديث الأخير عنه خلال لقائه في برنامج 'حبر سري'.