قال مطرب المهرجانات عصام صاصا إن علاقاته في مجال مطربي المهرجانات علاقات زمالة في معظمها.

وأضاف خلال حواره مع الإعلامية ياسمين عز في برنامج 'كلام الناس' المذاع عبر قناة MBC مصر: 'عامة في مجالنا المعاملة مع المغنين سطحية، غير ناس معينين بترتاحي لهم كشخصية، وتعامليهم على إنهم إخواتك وأصحابك، كلهم زمايل لكن فيهم إخوات، عنبة أخويا وأمين خطاب، وعمر كمال من الزملاء'.

وردا على سؤال هل كان قيام عمر كمال بحذف صوته من إحدى الأغنيات سبب الحساسية بينهما، قال عصام صاصا: 'مش عارف ساعتها إيه الإغراءات اللي كانت محطوطة له، مع إنه هو اللي طلب يسجل معايا، شال صوتي وحط صوت بيكا، ودي في مجالنا كبيرة، وأنا قفلت الأغنية'.

يذكر أن عصام صاصا وعنبة طرحا قبل أيام فيديو كليب 'أنا البطل'، من كلمات محمود سوستا، وتوزيع كيمو الديب، والكليب إخراج أشرف رمضان.

يشار إلى أن عصام صاصا شارك في موسم رمضان الماضي من خلال أغنية 'إحنا ولاد الشمس'، من مسلسل 'ولاد الشمس'.

ياسمين عز: ليه أنت وحمو بيكا مابقيتوش صحاب؟ .. عصام صاصا: بيكا وعمر كمال مش أصحابي.. عنبة اللي صحبي.. وعمر شال صوتي من أغنية وحط بيكا

مسلسل 'ولاد الشمس' من بطولة أحمد مالك، طه دسوقي، محمود حميدة، مريم الجندي، فرح يوسف، جلا هشام ومعتز هشام، ومن تأليف محمود عزت وإخراج شادي عبد السلام.