كشف الرابر عفروتو عن أنه فوجئ برقص والده في حفل زفافه مؤخرا، وذلك بسبب صرامة والده التي اعتادها في طريقة تربيته له ولإخوته منذ صغره.

وقال عفروتو خلال حواره مع الإعلامي أنس بوخش في برنامج ABtalks Music: 'كانت مفاجأة إن أبويا يرقص قدامي، هو ربى بطريقة صح أو غلط لكن طلعتني راجل، وطلعت إخواتي وإحنا أربعة رجالة، ودايما يتقال عنا أبوهم عرف يربيهم'.

وأضاف عفروتو: 'طريقة التربية كانت شديدة وقاسية شوية، وأنا صغير كنت ناقم على ده، في أب يعامل ابنه بالشدة دي، أقول له نكتة يقول لي أنا مش صاحبك، لكن دي حياتنا وبيئتنا، وأنا اتربيت كويس بالطريقة دي'.

أوضح عفروتو أنه تفهم طريقة والده في تربيته هو وإخوته قائلا: 'أنا عشان من منطقة شعبية وارد أعمل مصايب، وعشان معملش مصايب لازم يكون في حد بخاف منه في البيت أو عامل له حساب، وأبويا بشدته دي طلعني صلب'.

وكشف عفروتو عن موقف حدث له مع والده، وتسبب في تغيير طريقة تفكيره قائلا: 'أنا لو بقيت دلوقتي أنا فده سببه إني في يوم كنت راكب مواصلات مع أبويا، وشوفنا زحمة على البنوك أول الشهر ناس بتاخد معاشاتها، وأبويا قال لي شايف الناس دي، كمان سنتين هبقى معاهم'.

وتابع عفروتو: 'دي الدقيقة اللي غيرت حياتي، ومن اليوم ده بقيت واحد تاني، عايز أبقى حاجة كبيرة وأريح الراجل ده، وعلى قد الصرامة عمري ما كرهت أبويا'.