قالت النجمة وفاء عامر إنها لم تقابل أهل اللاعب الراحل إبراهيم شيكا، الذي حاولت مساعدته خلال أزمته الصحية بسبب مرضه بالسرطان في مرحلة متأخرة.

وأضافت وفاء عامر خلال لقائها مع الإعلامي أحمد سالم في برنامج 'كلمة أخيرة' المذاع عبر قناة ON: 'مشوفتش أهل إبراهيم ولا مرة وفي مرة هو طلب يشوف أمه'.

وتابعت: 'إبرهيم ارتاح لكن أمه ما ارتاحتش وصعبانة عليا. ممكن يكون اتلعب بيها، هنجيب ليكي فلوس أكتر، ابنك اتقتل واتاخد منه أعضاء. إحنا مش عايشين في غابة دي مصر، يعني في قانون وكاميرات في كل حتة'.

تحدثت وفاء عامر خلال اللقاء عن الهجوم الذي تعرضت له بعد وفاة إبراهيم شيكا قائلة: 'اللي أثر فيا خوف الناس اللي حواليا عليا، وأنا بطوف في الكعبة قلت لربنا رد إلي مظلمتي، خصيمي ليوم الدين كل حد قال كلمة مش حقيقية، وبقت الناس تطبطب عليا وتقول بندعيلك'.