أعلن الفنان عمرو سعد عن تكفله بـ30 حالة من حالات الغارمين وتوجيه مبلغ 10 مليون جنيه لأوجه الخير.

وظهر عمرو سعد في فيديو نشره عبر صفحاته بمواقع التواصل الاجتماعي من كواليس مسلسله 'إفراج' وقال فيه: 'بسم الله الرحمن الرحيم إحنا بنعلن إننا بأمر الله هنتكفل بـ 30 حالة من حالات الغارمين والغارمات تكفل كامل بكل المصاريف لحد ما يطلعوا من السجن 'إفراج' إن شاء الله عشان يبقى اسم على مسمى لحد ما يوصلوا لبيوتهم وأهاليهم ولحياتهم'.

وتابع عمرو سعد: 'أنا ليه قررت أعلن دا دلوقتي أولا لأن الدال على الخير كفاعلة، ولو إحنا بنعمل خير من غير ما حد يعرف ساعات بيكون عمل الخير في العلن مفيد عشان نشاور لزمايلنا وصحابنا علشان دا ممكن يحصل ويفيد، ليه بقول كده لأن بقى في أوجه كتير للدعاية ممكن يجي فريق سوشيال ميديا يقولك إحنا عايزين ميزانية 2 و3 مليون جنيه أرقام رهيبة جدا عشان ناس تجيب بيهم لايكات وتعليقات ودا مش بيخفى على حد وواضح للجمهور العادي'.

وأكمل عمرو سعد: 'أنا بقول وبطلب من أصحابي وزمايلي إننا منكتفيش إننا بنقدم للناس التسلية والقيمة في شهر رمضان عن طريق إننا بنعملهم أدوار ومسلسلات على قد ما نقدر بمجهودنا برا الشاشة وبإمكانياتنا نساعد لأن إحنا ملناش غير الناس بعد ربنا سبحانه وتعالى هما اللي عملونا وميستحقوش إننا نخدعهم أو نغشهم عن طريق المنتج اللي بنقدمه ولا عن طريق الدعاية لا أنا بقول مليون دعوة صادقة أفضل بكتير من 100 مليون لايك وكومنت لأن دا هيروح للناس وهيفك كرب ناس ومن هنا بقول دي البداية بعمل على قد جهدي وربنا كريم ورحيم وإن شاء الله ناس كتير ممكن تعمل كده ونحط إيدينا في إيد بعض'.

واختتم عمرو سعد حديثه: 'إن شاء الله هنرصد 10 مليون جنيه لأوجه الخير يروحوا للناس اللي محتاجاهم يحلوا مشاكل حقيقية على الأرض'.

يذكر أن عمرو سعد ينافس في موسم رمضان 2026 بمسلسل 'إفراج'.

ومسلسل 'إفراج' بطولة عمرو سعد، وعبدالعزيز مخيون، وسما إبراهيم، وتارا عماد، وحاتم صلاح، وعلاء مرسي، وسارة بركة، وشريف الدسوقي، وصفوة، وبسنت شوقي، وجهاد حسام الدين، وأحمد عبدالحميد، ودنيا ماهر، ورضا إدريس، وعمر السعيد، والمسلسل من تأليف أحمد حلبة ومحمد فوزي وأحمد بكر، وإنتاج صادق الصباح، وإخراج أحمد خالد موسى.

أقرأ أيضا: