شوق الفنان عمرو سعد جمهوره لأعماله الجديدة التي بدأ التحضير لها.

ويبدو أن عمرو سعد قرر تغيير نوعية الأعمال التي يقدمها والاتجاه للكوميديا.

وقال عمرو سعد خلال لقائه في برنامج 'أسرار النجوم' مع إنجي علي عبر إذاعة وقناة 'نجوم FM': 'بعمل مع المخرج حسين المنباوي مسلسل كوميدي مفاجأة، على منصة إحنا صورنا 8 أيام ولسه هنرجع نكمل تصوير ودا كوميدي بس ومعايا كوكبة وهيكون محمد أنور مفاجأة في المسلسل دا وإعادة اكتشاف'.

وتابع عمرو سعد: 'وبستعد لفيلم كوميدي لايت إن شاء الله على شهر 6 نبدأ نصور'.

وخلال اللقاء كشف عمرو سعد عن نيته إعادة تقديم رواية 'اللص والكلاب' لنجيب محفوظ، لتقديمها في عمل فني جديد.

قال عمرو سعد: 'كنت عايز أعمل مسلسل (اللص والكلاب)، شخصية (سعيد مهران)، وكنا بنرشح حد مهم جدا لـ(فاروق علوان)، وهعمله فيلم، وخدت الحقوق'.

وتابع عمرو سعد: مش خايف من المقارنة، بتتعمل في أمريكا وناس كنتير ما تعرفش أنه اتعمل وماشفتش الفيلم، الموضوع كله في رواية نجيب محفوظ، أنت تقدر إنك تقدم عمل ناجح وينجح تاني، بس بتقنيات دلوقتي وإنتاج دلوقتي، تخيل لو مطاردة اتعملت دلوقتي.

فيلم 'اللص والكلاب' تم تقديمه فيلم عام 1962، وشارك في بطولته شكري سرحان وكمال الشناوي وشاديةـ عن رواية لنجيب محفوظ وإخراج كمال الشيخ.

وكان آخر أعمال عمرو سعد مسلسل 'إفراج' الذي شارك في بطولته مع تارا عماد وحاتم صلاح وأحمد عبدالحميد ودنيا ماهر وعمر السعيد وسماء إبراهيم وعبدالعزيز مخيون وبسنت شوقي وصفوة وعلاء مرسي.