كشف الفنان محمود حجازي لأول مرة كواليس اتهامه من قبل فتاة أجنبية بالتحرش بها.

وقال محمود حجازي خلال لقائه مع الإعلامية ياسمين عز في برنامج 'كلام الناس' المذاع عبر قناة MBC مصر: 'أنا كان عندي فكرة فيلم أكتبه وأقدمه كبطولة شبابية عن حياة اللايف ستريم (البث المباشر على مواقع التواصل)، وبدأت أتعرض لحملة على السوشيال ميديا وحسابات مزيفة تدخل تهاجمني وتشتمني'.

وأضاف محمود حجازي: 'كونت فريق من الفانز يكونوا موجودين دايما ويمسحوا أي تعليق سلبي، وحبيت أتعرف على الفريق وكان منهم البنت اللي عملت المحضر'.

وردا على سؤال لماذا قامت باتهامه، قال محمود حجازي: 'هي عندها مشكلة في حياتها عايزة تداريها'.

وتابع: 'لما جت البنت تعاملت معها بمنتهى الأدب والاحترام مع الفريق كله. وبعدها كنت في وسط البلد، وكلمتني من الأوتيل بتاعها، إن قعدة البلكونة هايلة والنيل، اطلع اشرب معايا كوباية شاي ونتكلم'.

أوضح محمود حجازي أن ما فعله لم يكن تصرفا سليما بقوله: 'كنت حابب أقعد في لوبي الفندق، بس حسيت إني مشهور وممكن حد يصورني، بس غلط اللي عملته لإنه لبسني موضوع كبير أنا بعيد عنه'.

وأكمل: 'طلعت عندها وقعدت ساعة وتلت، وكنت على التليفون وحكيت لها عن الفيلم، ولما لقيتها عايزة تودي الموضوع في حتة مش لذيذة خدت بعضي ومشيت'.

وكانت الأجهزة الأمنية بمديرية أمن القاهرة ألقت القبض على الفنان محمود حجازي، لاتهامه بالتحرش بسيدة داخل فندق، بمنطقة بولاق أبو العلا.