احتفلت الإعلامية مفيدة شيحة بزواج ابنتها منة مساء السبت، 28 يونيو، بجوار بحيرة متحف الحضارة.

وحضر حفل الزفاف عدد كبير من الإعلاميات صديقات مفيدة شيحة ومنهم دعاء عامر ودعاء فاروق ورولا خرسا وسهير جودة وسهير شلبي وشيرين الشايب وريهام إبراهيم وسالي عبد السلام ومنى عبد الغني والفنانة ماجدة زكي وغيرهن.

وكانت مفيدة شيحة احتفلت بليلة الحنة لابنتها يوم الأربعاء بحضور عائلي.

وكانت مفيدة شيحة سافرت بداية الشهر الجاري للحج وكشفت عن ظروف سفرها وحكت قائلة: ''مش عايزة أقولكم أنا سعيدة قد إيه ولازم أقولكم الفكرة بتاعة الحج جات إزاي، أنا مكنتش بحلم إني أحج لأن بصراحة كانت الظروف وقتها وفاة ماما والعزاء والدنيا ملخبطة مع جواز منة، يعني الظروف مكانتش تقول أن يبقى معايا القدرة المادية أو المالية أنه ربنا يكرمني بحج كمان، معرفش إيه اللي حصل كنا قاعدين في ختمة القرآن تاني يوم ما أمي توفت الله يرحمها وكانت دعاء فاروق قاعدة وبقولها يا دعاء أنا نفسي أحج، قالتلي طيب هشوف الشركة اللي أنا داخلة معاها وممكن ربنا ييسر قلت لها طيب'.

وتابعت مفيدة شيحة: 'المهم بعدها بأسبوع ربنا كرمنا بالموافقة واتيسر الحال وعملولي خصم رائع اعتقد أن الخصم اللي اتعملي دا بدعاء أمي مش لأن أنا مفيدة، ألف حمد وشكر وقدرت إني أسدد اللي عليا، اللي حبيت أقوله أن محدش ييأس من رحمة ربنا مفيش حاجة مستحيلة لما الواحد بيكون في نيته وقلبه بجد ونفسه جدا جدا يحج ربنا بيسهله الحال'.

يذكر أن مفيدة شيحة تقدم برنامج 'الستات' مع سهير جودة ويعرض عبر قناة 'النهار'.