تصدّرت الإعلامية المصرية أسما شريف منير محركات البحث خلال الساعات الماضية، بعد إعلانها عن زواجها رسميًّا في حفل عائلي بسيط، اقتصر على المقربين.

وأثار الحفل تفاعلًا واسعًا عبر مواقع التواصل، خاصة بعد تداول مقطع مصور ظهر فيه الفنان شريف منير وهو يوجه وصية مؤثرة إلى زوج ابنته الشاب أحمد شامل عزمي.

وصية شريف منير لزوج ابنته: احتويها

في الفيديو الذي نشرته أسما عبر حسابها الرسمي في منصة 'إنستغرام'، ظهر والدها الفنان شريف منير وهو يوصي زوجها قائلًا: احتويها، أنا عارف إن أسما تعبت وكافحت، ووقفت جنبي كتير، تعتبر أم ليا، وهي اللي بتوجهني وتظبطلي حياتي.

وأضاف: الحقيقة كان نفسي إنه ياخد باله منها ويبقى حنين عليها ويحتويها، مش طالب أي حاجة، لإن أنا في يوم من الأيام همشي، وعايز أبقى متطمن عليها، وكان إحساسي بيه حقيقي إنه إنسان جميل جدًا.

أحمد شامل عزمي يرد على وصية شريف منير

من جانبه، حرص زوج أسما، أحمد شامل عزمي، المتخصص في الرقص المعاصر، على الرد على وصية شريف منير، برسالة عبر حسابه في منصة 'إنستغرام' كتب فيها: أنا متشرف جدًّا أن أسما مراتي. وأهلها الطيبون المحترمون، اللي عندهم إحساس بالبشر، علموني حاجات كتير.

وأضاف: بشكر والد أسما على الثقة اللي إداهالي، وعايز أطمنه إن أسما في عيني، وبوعده إني هبذل أقصى ما عندي عشان أسعدها.

وتابع أحمد شامل رسالته برؤية خاصة للعلاقات الزوجية، قائلًا: رأيي الشخصي أن العلاقات دايمًا بتحتاج مجهودا من الطرفين عشان كي يحتوي كل منهما الآخر ويحترم أحدهما شريكه. الرجالة بالذات عليهم دور القوامة وده في الدين، بس القوامة مش معناها التسلط زي ما أغلب الرجالة فاهمة، هي رعاية ومسؤولية.

وشدد على أن الراجل لازم يكون داعما وسندا لمراته ويتعامل معاها برحمة واحترام. لما بنشد بعض لطريق ربنا، ونتعامل بنية صادقة، ربنا بيكرمنا وبيعود علينا برزق وهدوء وأمان .

واختتم رسالته قائلًا: عندي رسالة بسيطة قوي، دوروا على رضا ربنا واسعوا وتوكلوا عليه، بالمعاملة الكويسة، الرحمة، وحب الخير، مش هتلاقوا غير خير ورزق واسع وأماني بتتحقق.