حرصت الفنانة شذى على توضيح موقفها لجماهيرها بعد انتقادها لتحيتها النجم تامر حسني في حفل زفاف الفنان أحمد عصام.

وكان فيديو انتشر لشذى من حفل الزفاف وهي تتجه للسلام لتامر حسني واحتضانه، وذلك بعد مرور أشهر من تصريحاتها الغاضبة منه، ووضحت شذى تحيتها له في تعليقات على الانتقادات الموجهة لها إنها تحب تامر حسني وتجمعها به علاقة صداقة قوية على مدار السنوات، ولا يمكن أن تجتمع معه في مكان دون تحيته، وأن عتابها له على مقدار محبتها.

وكانت شذى خرجت منذ عام لانتقاد تصرفات تامر حسني معها، وجددت ذلك في لقائها ببرنامج 'أنا سعيد'، الذي يقدمه الإعلامي سعيد جميل، عبر قناة 'القاهر والناس': 'سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانية، أنا مليش حد هنا ومعنديش إخوات وكل عيلتي برا مصر'.

وتابعت: على المستوى الشخصي والمهني تامر ضيف شرف في حياتي، خاصة إني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير وأنا أستاهل ده لأن الصحاب لازم يكونوا ضهر لبعض، خصوصًا لو أنت كنت كويس معاه قبل كده، عشان كده بزعل لما بتيجي سيرة تامر، لأني مكنتش مستنية منه حاجة كنت مستنية يسأل عليا.