كشفت الفنانة روجينا أنها كانت ستشارك في مسلسلات حققت شهرة ونجاح كبير لكنها اعتذرت لظروف شخصية.

وخلال لقائها في برنامج 'أسرار النجوم' ردت روجينا على سؤال الإعلامية إنجي علي إن كانت تعرضت لمواقف كان صعب فيها الاختيار.

في البداية أوضحت روجينا أن فكرة الموقف الصعب أو الاختيار في العمل سهلة على عكس حياتها الشخصية التي تحمد الله أنها لم تكن في موقف صعب فيها.

وقالت روجينا: 'اختبارات إني اختار بين دورين دي مش اختبارات وحصلت كتير طبعا، طالما اخترت مش بندم في مسلسلات اعتذرت بقراري وإرادتي وبعد كده مندمتش، 'لن أعيش في جلباب أبي' كنت المفروض اشتغل فيه ومشتغلتش لأن أنا كنت وقتها حامل وأنا اخترت ومكانش صعب دا واجب عليا، ومسلسل 'حديث الصباح والمساء' اعتذرت عنه بس خلاص مش رزقي دا رزق حد تاني.

وتابعت روجينا: 'عمري ما كان عندي اختيارات صعبة الحمد لله دا فضل من ربنا سبحانه وتعالى، عمر ربنا ما حطني في اختيارات أبقى مش عارفة اختار، ربنا محطنيش في اختبار صعب الحمد لله دا كرم من ربنا ودايما بطلب منه كده يارب متحملنيش أكتر من طاقتي وربنا مبيديكيش غير اللي تقدري تحتمليه'.

على جانب آخر، شاركت روجينا في موسم رمضان 2026 بمسلسل 'حد أقصى'.

ومسلسل 'حد أقصى' من تأليف هشام هلال وإخراج مايا أشرف زكي وبطولة روجينا، محمد القس، خالد كمال، فدوى عابد وغيرهم من النجوم.