كشف الفنان عمرو سعد تفاصيل عودة تعاونه مع المخرج محمد سامي في رمضان 2027، مؤكدا أنه لا وجود لخلافات بينهما.

وقال عمرو سعد في لقاء مع ET بالعربي إنه تراجع عن فكرة الابتعاد عن شاشات التليفزيون بعد تكليفه بتقديم الجزء الرابع من مسلسل 'الاختيار' من إخراج عمرو سعد موضحا: 'لسه الموضوع مقدرش أعلن عنه بالكامل دلوقتي أنا مهتم بالسينما وعندي 3 أفلام أهمهم اللي انتهيت من تصويره 'الغربان' غالبا هيتعرض في ديسمبر ودا فيلم كبير والفيلمين التانيين، بس المسلسل 'لرمضان 2027 أنا بعتبره تكليف ودي أقل حاجة أقدمها لبلدي، مع المخرج محمد سامي، إحنا مش متخانقين متصالحين على طول محمد سامي طول الوقت حتى لو في خلاف في وجهات النظر طول الوقت بيبقى معايا على التليفون مخرج كبير ورائع وناجح وأخويا وصديقي وبينا ذكريات تمتد لـ10 أو 12 سنة مفيش خلافات بينا'.

وأوضح عمرو سعد أن ما حدث في رمضان 2026 والمنافسة على الأعلى مشاهدة وظهوره في فيديو ليتحدث عن مسلسله 'إفراج' وظهور محمد سامي ليتحدث عن نجاح مسلسل 'الست موناليزا' لم يسبب أي خلاف بينهما قائلا: 'أنا مقدرش أقول أي تصريح لأي عمل لزميل لأني من جمهورهم ودايما بقول في القعدات الخاصة والعامة أن كل فنان مصري وعربي فوق راسي لأنه بيعمل حاجة للجمهور وبيسعد الناس فأنا مش في مكان إني انتقد أو اتكلم عن عمل لزميل ليا بالعكس انا ساعتها اتكلمت عن نفسي وعن عملي بس ويمكن دا أثار جدل شوية ومكنتش أقصد وأنا من الناس قليلة الظهور ومش مع أننا نتكلم على نجاحنا لما ننجح لأنه بيمر ونفكر في غيره واللي بيثبته هو الجمهور ويمكن مكانش يصح أني أدخل في جدل على السوشيال ميديا لأني مش ابن السوشيال ميديا أنا ابن الشغلانة بعمل المسلسل أو الفيلم وخلاص'.

عمرو سعد شارك في موسم رمضان الماضي من خلال مسلسل 'إفراج'، المستوحى من أحداث حقيقية، سيناريو وحوار أحمد حلبة، محمد فوزي، أحمد بكر، بطولة عمرو سعد، تارا عماد، حاتم صلاح، أحمد عبدالحميد، دنيا ماهر، عمر السعيد، سماء إبراهيم، عبدالعزيز مخيون، بسنت شوقي، صفوة، علاء مرسي.