تحدث الفنان ونقيب المهن التمثيلية أشرف زكي عن الجدل الذي أثير خلال الأيام الماضية بين الفنانين حول المتصدر للمشاهدة في رمضان 2026، والذي وصفه الجمهور بأنه خلافات ومشاجرات عبر مواقع التواصل الاجتماعي.

وقال أشرف زكي في لقاء مع ET بالعربي: 'شايف أن في ظاهرة صحية أن كل الناس غيورة على أعمالها كل الناس شايفة أنها محققة نجاحات، والحقيقة هما محققين نجاحات، إحنا عاملين موسم رمضاني كويس مفيش حد كان وحش كلنا كنا متميزين المائدة عليها أصناف كتير والجمهور بيروح للصنف اللي هو عايزة'.

وتابع أشرف زكي: 'دي منافسة فنية طبيعية جدا يمكن لوجود السوشيال ميديا ظهرت، يعني زمان أيام أستاذة نادية الجندي وأستاذة نبيلة عبيد والناس الكبار مكنش في سوشيال ميديا لكن دلوقتي فيه، إحنا هناخد من اللي حصل الجزء الكويس والجزء مش كويس نعالجه بعد رمضان'.

وعن قول بعض الفنانين أنهم الأفضل أو رقم 1 في المشاهدات قال أشرف زكي: 'كل واحد حر يتكلم عن نفسه مقدرش أقول لحد متتكلمش عن نفسك أنا شايف إن أنا أحسن ممثل أو أحسن واحد كل واحد شايف عمله أفضل عمل، أنا بعرف من ردود فعل اللي الناس اللي بتكلمني بيكلموني عن مسلسلي مش هيكلموني عن مسلسل حد تاني، كل الناس ناجحة وعامله موسم رمضاني كويس المهم نحترم جهد الناس نحترم أقل وأصغر واحد لأن في ناس بهدوء شديد عملت أعمال حتى لو مش في التسابق الكبير لكنها أعمال محترمة'.

وعن إن كان فكر في جمع عمرو سعد ومحمد سامي وحل الخلافات قال: 'بيصوروا لما نخلص هنجمعهم هيروحوا فين، أنا ناشدت الممثلين ميتكلموش على السوشيال ميديا عشان منبقاش مادة خصبة لبعض المواقع اللي بتستغل دا'.

بيتر ميمي يرد على كابتن إيلا بعد تعليقها على مسلسل 'صحاب الأرض'