طالب الملحن حسن الشافعي الدولة بتقنين الإعلام، وتوقيع عقاب واضح على المسؤولين عن الزج باسمه في قضية مخدرات خلال الساعات الماضية.

وقال حسن الشافعي في فيديو نشره عبر حسابه في موقع التواصل الاجتماعي 'إنستجرام: 'بقالي يومين مسافر وفجأة تلفونات ومسجات مرعبة، إنت كويس؟ طمنا عليك يا رب تكون إشاعات'.

وأضاف حسن الشافعي: 'فجأة اكتشفت إن أنا بطل قضية مخدرات في مصر .. كنت فاكره شخص عشوائي كتب حاجة على فيسبوك، والمرعب اكتشفنا إنها مؤسسة إعلامية لها صاحب ومدير تحرير بناس بتشتغل، إنهم يكتبوا خبر بالاسم والصورة على شخص ملوش علاقة بحاجة عشان معندهمش الوقت والمجهود يتعبوا نفسهم يشوفوا مين صاحب الموضوع، ولا معايير إعلامية، ومعتقدش اللي يعمل كده عنده أصلا مبادئ إنسانية'.

وتابع: 'حقي الشخصي هتعامل معاه بشكل قانوني تجاه المؤسسة دي، دي جريمة إعلامية وإرهاب إعلامي'.

ووجه حسن الشافعي رسالة للجهات المسؤولة قال فيها: 'دي رسالة لنا كلنا للمجتمع اللي إحنا عايشين فيه، للبلد، للدولة كلها، لازم يبقى في تقنين للإعلام، وعقاب واضح عشان ده ميتكررش تاني'.