تحدثت الفنانة حنان مطاوع عن ابنتها 'أماليا' وكيف تتعامل معها.

وقالت حنان مطاوع خلال لقائها في برنامج 'on the road': 'بنتي شبهي وحنونة أوي ورقيقة ربنا يستر عليها في الزمن دا، وعايزة كل حاجة تبقى صح ومنظمة أوي، في حياتها مفيش سوشيال ميديا أحيانا تقولي ممكن أبص في موبايلك وأنا جنبها وأقولها دا اسمه دا فيسبوك وإنستجرام وبيعملوا إيه غير كده لا وربنا يستر وميطلبوش في المدرسة أن نشتغل على الحاجات دي لأن هنضطر ندخل على المنطقة دي أه بقواعد بس هندخل فيها بس إلل أن دا يحصل أنا لاغية الموضوع تماما'.

وأضافت: 'ابتديت أعلم أماليا بنتي حفظ القرآن من سن 3 سنين، المعلمة كانت بتشرح لها آية طلبت منها متشرحهاش لأن فيها ترهيب والترهيب محتاج وعي وهي طفلة وعندها خيال مينفعش دلوقتي أجيب سيرة النار وربنا يستحق أنه يتعبد حبا فيه مش طمعا في الجنة ولا خوفا من النار، هي عندها 7 سنين ولحد دلوقتي هي متعرفش الجنة والنار'.

يذكر أن حنان مطاوع شاركت في موسم رمضان 2026 بمسلسل 'الكينج'.

ومسلسل 'الكينج' بطولة: محمد إمام، وحنان مطاوع، ومصطفى خاطر، وميرنا جميل، وعمرو عبد الجليل، وسامي مغاوري، وكمال أبو رية، وحجاج عبد العظيم، وانتصار، وعماد رشاد، وبسنت شوقي، ولبنى ونس، وأحمد فهيم، وأحمد كشك، وياسر الزنكلوني، ومحمد خميس، ومصطفى البنا، تأليف محمد صلاح العزب، وإخراج شيرين عادل.