تحدث الفنان باسم سمرة عن فكرة إطلاق الألقاب على الفنانين، مشيرا إلى أن هذا الأمر لم يكن اختراعا من الفنان محمد رمضان بل موجود قبل ذلك بكثير.

وقال باسم سمرة خلال لقائه في برنامج 'حبر سري': 'الألقاب موجودة من زمان مش هنظلم محمد رمضان ونقول إن هو اللي اخترعها، كان 'وحش الشاشة' فريد شوقي، و'نجمة الجماهير' نادية الجندي، محمد رمضان فتح باب وكله بقى الأعلى أجر والأكثر مشاهدة'.

ورفض باسم سمرة فكرة أن بعض النجوم يتدخلوا في كتابة سيناريو الأعمال واختيار الأبطال قائلا: 'اللي بيختار السيناريو والممثلين دول مش نجوم دول مدعين هو خايف زي ما بيروح لترزي بيفصله حاجة، أنت كممثل وموهوب بتروح ترمي نفسك في البحر وبتعرف تعوم عوم متعرفش أقعد في بيتكم'.

وأكمل باسم سمرة: 'في حاجة اسمها فنان مفيش حاجة اسمها نجم، أنا أحب أبقى فنان، أما النجم اللي عنده لجان وبيشتري حب الناس بفلوس أو تبرعات أو يهدد أنه مش هيشتغل تاني ما تغور في داهية دا مش نجم، النجم اللي الناس تحبه ويخاطب الناس ويشوف مشاكلهم، الفنان اللي يقدر يوصل رسالة'.

يذكر أن باسم سمرة يشارك في موسم رمضان 2026 بمسلسل 'عين سحرية' يتكون من 15 حلقة وبطولة عصام عمر وسما إبراهيم ومحمد علاء وعمر شريف، من تأليف هشام هلال وإخراج سدير مسعود.