وجهت الفنانة ياسمين صبري رسالة للسيدات ولكل أم مؤكدة أن وظيفة 'ست البيت' هي أهم وظيفة في الحياة.

وقالت ياسمين صبري في لقاء مع ET بالعربي: 'ست البيت أصعب وظيفة في الحياة أنا دايما بقول كده لأن مفيهاش إجازات، مسئولية كبيرة جدا في المجتمع ومسئولية كبيرة في تربية ذكر هيأثر على حياة أنثى أخرى مسئولية كبيرة لست هتربي أجيال لما تكبر حلقة كده متصلة ومتواصلة ومقفولة وبتبتدي من الست'.

وتابعت ياسمين صبري: 'أنا دايما أقول أنا سعيدة إني اتخلقت بنت الست ليها تأثير قوي جدا لو هي عرفت تستخدم تأثيرها صح، أنا دايما بقول أصعب وظيفة في الحياة هي وظيفة الأم اللي بتربي أجيال هيكونوا نص المجتمع والنص الآخر منه نساء برضو'.

ووجهت ياسمين صبري رسالة للسيدات قائلة: 'بتمنى ليهم كل القوة والنجاح وأتمنى كل ست بيت تكون مقدرة نفسها صح، الست مؤثرة جدا مش بس في حياتها وعملها هي مؤثرة جدا في الراجل اللي قدامها تقدر تاخد منه أحسن نسخة من نفسه'.

يذكر أن ياسمين صبري عرض لها مؤخرا في السينمات بمصر والدول العربية فيلم 'المشروع X'.

الفيلم من تأليف وإخراج بيتر ميمي، ويشاركه في كتابة السيناريو أحمد حسني، ويضم نخبة من أبرز النجوم إلى جانب كريم عبد العزيز: إياد نصار، ياسمين صبري، أحمد غزي، عصام السقا، بالإضافة إلى مجموعة كبيرة من ضيوف الشرف، على رأسهم: ماجد الكدواني، كريم محمود عبد العزيز، وهنا الزاهد.

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟