رد الفنان محمد فراج على الانتقادات والاتهامات التي وجهت له ولصناع حكاية 'لعبة جهنم' من مسلسل 'القصة الكاملة' بالإساءة لرجال الدين بسبب شخصية 'الشيخ علاء' التي قدمها خلال العمل.

وخلال لقائه في برنامج 'تفاعلكم' مع سارة الدندراوي، أكد محمد فراج أن هذه الاتهامات لا أساس لها من الصحة، وأنهم استعانوا باعترافات المتهم الحقيقية.

وقال محمد فراج: 'دا موضوع مهم جدا ومؤخرا كان بيطلع كلام محتاج أصححه، القضية الحقيقة اللي خلصت مع القضاء في حاجات كتير إحنا شوفناها وعرفناها وفي حاجات مكناش نعرف عنها حاجة ومش هنعرف عنها حاجة، بس من التحقيقات هو كان بيبقى متواجد في الجامع ويأذن في مواعيد الصلاة وكان بيدي بعض دروس في الدين لشباب وأطفال'.

وتابع محمد فراج: 'لو شوفنا في المسلسل هنلاقي الشيخ الكبير بتاع المسجد فضل يبحث وراه لحد ما اتأكد أنه مش دارس، ودي كانت اعترافات من 'طارق' نفسه، لكن للأسف الشديد فكرة الاتهامات ودا مكانش نقد دا اتهام مش حقيقي أننا بنسئ لسمعة الدين'.

وأضاف محمد فراج: 'في ناس بيتقالها 'شيخ فلان' وهو مش بيصلي بس عشان شكله، مش عشان بيتقاله 'شيخ علاء' نبقى بنسيء للدين'.

وقدمت حكاية 'لعبة جهنم' قضية 'الدارك ويب' التي أثارت جدلال كبيرا خلال العامين الماضيين، بعدما قام شاب بقتل طفل صغير بالاتفاق مع طفل آخر لتقطيع جسده وأخذ أعضائه وبيعها وتصوير فيديو للعملية ونشره على 'الدارك ويب'.

ومسلسل 'القصة الكاملة' يتكون من 5 حكايات، كل حكاية 3 حلقات، تعرض حكاية واحدة كل شهر.

وحكاية 'لعبة جهنم' بطولة محمد فراج وعمر رزيق والطفل منذر مهران وغادة طلعت وكريمة منصور، ياسر عزت، والعمل من تأليف نجلاء الحديني وإخراج إسلام خيري.