قالت الفنانة هنا الزاهد إن أهم شيء في الزواج هو وجود الاستقرار والأمان.

وأضافت خلال حوارها مع الإعلامي أنس بوخش في برنامج ABtalks: 'أهم شيء في الجواز الاستقرار والأمان، وأصعب شيء الفتور لما المشاعر تخلص، بتبقى حياة وحشة'.

وردا على سؤال كيف يمكن المحافظة على استمرار المشاعر في الزواج، قالت هنا الزاهد: 'لازم الإنسان يبقى صادق جدا، ولما يبقى عايز يبعد يقول عايز أبعد، ولازم نقول لبعض كل حاجة، وأنا شايفة إن اللي بيحب بجد عمره ما يزهق من اللي بيحبه'.

وتابعت: 'ما ينفعش يبقى في أنانية، ولازم تفهم أوي اللي قدامك ويفهمك، ويبقى في إخلاص، ومفيش خيانة بأي الأشكال'.

وتحدثت هنا الزاهد عن الغيرة في الزواج قائلة: 'الغيرة حلوة بس مش الغيرة القاتلة، لو في فتور ومفيش غيرة بتبقى وحشة، وإنك تنام واثق في اللي قدامك إنه عمره ما هيخذلك دي حلوة أوي'.

يذكر أن هنا الزاهد تنتظر عرض أحدث أفلامها السينمائية 'ريستارت' يوم 29 مايو المقبل.

فيلم 'ريستارت' تأليف أيمن بهجت قمر وإخراج سارة وفيق وبطولة تامر حسني وهنا الزاهد وباسم سمرة وعصام السقا وميكا ومحمد ثروت، وعدد من النجوم.

وعرض لهنا الزاهد مؤخرا مسلسل 'إقامة جبرية'، من بطولة صابرين، هنا الزاهد، ومحمد الشرنوبي، ثراء جبيل، عايدة رياض، محمود البزاوي، ولطيفة التركي، وجلا هشام. تأليف أحمد عادل، وإخراج أحمد سمير فرج.