يستكمل المطرب الشاب عطار – الذي ينحدر من أصول مغربية من جهة والدته – خطواته فى مشواره الفنى، بطرحه اليوم على اليوتيوب، والمنصّات الموسيقية، ومواقع التواصل الإجتماعي، ومحطات الراديو، ديو أغنيته الجديدة 'شارب الأصول'، الذى يجمع لأول مرة بينه وبين مطرب المهرجانات مصطفى عنبة، والأغنية من كلمات مصظفى حدوتة، وألحان عطار، وتوزيع موسيقى خوليو، ومن توزيع شركة 'ديجيتال ساوند'.

تقول كلمات أغنية 'شارب الأصول':

شارب الاصول ف كوبايه

كان نفسي تشرب معايا

بس انت مش على هوايا

وعشان اجيب بي امايا

انا ابتديت ب تُمنايا

وعرفت اجيبها بشقايا

انا ف الشده شديد

وانت على قد الايد

اقعد ورا يابليد

انت ركنت بعيد

انتو بقالكو كبير

هخصملكو انا مدير

انتو في منكو كتير

هلس واخوكو تقدير

شغال بأيدي وسناني

وطلعت قد حلفاني

وبقيت مكانى ف العالي

والحلوه اللى سايبانى

مش عارفه برضو تنسانى

بتموت ولسه عايزاني

انا في القوة قوي

تاعب الكل قوي

معلم وانت صبي

تندب مين يا غبي

هقلبهالكوا جحيم

واطلع منها سليم

بابا تاريخي عظيم

عندي جديد وقديم

ماشي ف طريقي طوالي

والسهل كان ع شمالي

وعملت مش واخد بالي

مفيش ارقام بتغريني

مفيش اخصام تجريني

مفيش حريم تمشينى

انا في التقل تقيل

سندال وانت عويل

بشيل وانت تشيل

حجمك جنبي قليل

انا راجل كسيب

ودول تحت التدريب

حاضر عمرى م اغيب

وانت بدأت تخيب