طرح الفنان أكرم حسني أغنية جديدة بعنوان 'زامباهولا'، بالاشتراك مع الفريق الغنائي 'شارموفرز'، وهي من مسلسله 'الكابتن'، المقرر عرضه في شهر رمضان المقبل.

الأغنية من كلمات أكرم حسني وأحمد بهاء، ألحان أحمد بهاء، وتوزيع مو العرقان، وتبدأ بهذه الكلمات:

زامباهولا جه زامباهولا راح

زامباهولا جه زامباهولا راح زامباهولا قال جاي ولا جاشي

حضروا له ايه حضروا له اه حضروا له ممبار و محاشي

ولا ولا ولا ولا ولا … ايه!

الأوتوبيس إتملى…عادي ؟

اصله داس على نملة روح وهات رجلها

هاتلي ملياردير شحات و فرخة فلات بدون كيرڤات

هاتلي طور بجنوط إسبور وتوأم ميكونوش إخوات

اشتاتا اشتوتا ارواحنا مبسوطة

قاعدين يرقصوا جمبي و واحدة بترقع زغروطة

مش هبقى انا هلهولة انا فاخر من الدرجة الأولى

من الآخر فاخر بيقولك ما تحضر

يلا يا زامباهولا

أجلب الحبيب و ارد المطلقة

انا و ملك الجن عاملين شراكة

بتكلم لغة و بكل طلاقة

لو عايز أطبخلك المبكبكة

مسكوا فيا ليه دماغي متثبتة

ارواح جمبي لازقة و متبتة

قلبوا الربيع خريف صيفي بقى شتاء

افكاري جوا مخي متشتتة

مسلسل 'الكابتن' من بطولة أكرم حسني وآية سماحة وأحمد عبدالوهاب وسوسن بدر ورحمة أحمد وأحمد الرفاعي وكذلك محمد رضوان وسامي مغاوري وعمر شوقي، ويعرض خلال شهر رمضان على شاشات الشركة المتحدة للخدمات الإعلامية.

'الكابتن' يشارك في بطولته أيضًا مؤمن نور وميمي جمال ووئام مجدي ومن إخراج معتز التوني وتأليف عمرو الدالي وهو من 15 حلقة.