يوسف عمر: غادة عبد الرازق هي اللي رشحتني لـ"شباب امرأة" وكنت خايف من الدور

تحدث الفنان الشباب يوسف عمر عن مشاركته في مسلسل 'شباب امرأة' وحكى كيف تم ترشيحه للدور.

وقال يوسف عمر في لقاء مع برنامج 'تفاعلكم': 'أنا جالي الدور عن طريق أستاذة غادة عبد الرازق كان عندي تكريم في الجامعة الأمريكية بخصوص فيلم 'مين يصدق' وكانت أستاذة غادة من لجنة التحكيم وبعدها أستاذة غادة شافتني وقالت لي عندي مسلسل 'شباب امرأة' عايزاك معايا في دور شكري سرحان، وأنا رحبت طبعا'.

وعن المقارنة بين المسلسل والفيلم قال يوسف عمر: 'أكيد كان في خوف طبعا بس في النهاية أنا من جمهور الفيلم وبحبه جدا مكنش ينفع يتعرض عليا فرصة زي دي وأرفضها مع أستاذة كبيرة زي غادة عبد الرازق الموضوع فيه تحدي بس كنت متحمس إني أخوض التجربة'.

وتابع يوسف عمر: 'غصب عننا هيكون في مقارنات بس الفكرة في المسلسل مختلفة عن الفيلم، المسلسل متاخد عن الرواية مش عن الفيلم، إحنا عاملين الرواية نفسها في تفاصيل كتير جدا مختلفة في المسلسل مش موجودة في الفيلم، أكيد الناس هتبقى فاكرة أننا عاملين الفيلم بس اللي هيتفرج هياخد باله إننا مش عاملين تفاصيل الفيلم، فكرة تقديم عمل ناجح ومن علامات السينما المصرية مخاطرة كبيرة بس دا من حبنا في الصناعة والأفلام المصرية'.

يعرض مسلسل 'شباب امرأة' عبر قناة ON في تمام الساعة 12:15 صباحا، والإعادة الساعة 6:45 صباحا، بالتزامن مع عرضه عبر منصة Watch iT الإلكترونية.

قصة مسلسل 'شباب امرأة'

مسلسل 'شباب امرأة' يتكون من 15 حلقة، مأخوذ عن رواية أمين يوسف غراب التي تحمل نفس الاسم، كتب لها السيناريو والحوار محمد سليمان عبد المالك، ومن إخراج أحمد حسن، الذي أكد أن المسلسل مختلف تماما عن الفيلم الأصلي الذي أنتج عام 1956، بطولة تحية كاريوكا وشكري سرحان، حيث جاءت أحداثه وشخصياته مواكبة للعصر.

أبطال مسلسل 'شباب امرأة'

إلى جانب غادة عبد الرازق، يشارك في بطولة المسلسل كل من يوسف عمر، محمود حافظ، ومحمد محمود، وجوري بكر، ولينا صوفيا بن حمان، وداليا شوقي، وحسن أبو الروس، ورانيا منصور، وطارق النهري.