مي فاروق: دار الأوبرا لا تدعوني لإحياء حفلات من سنة ونصف ... واستقلت لأرفع عنهم الحرج

كشفت المطربة مي فاروق سبب استقالتها من دار الأوبرا المصرية مؤخرا، وسر غيابها عن إحياء حفلات غنائية على مسارحها.

وقالت مي فاروق خلال لقائها مع الإعلامية منى الشاذلي في برنامج 'معكم' المذاع عبر قناة CBC: 'أنا في دار الأوبرا من لما كان عمري 8 سنوات، وكنا أعضاء في فرق الموسيقى العربية المحترمة هناك بعقد في البداية، وبعدها بالأقدمية بنتحول لموظفين في المكان'.

وأضافت: 'كنت حاسة إن فكرة كوني موظفة مقيداني في شوية حاجات، وأنا مش موظفة، لكن دار الأوبرا لو طلبتني في أي وقت هروح، ده مكاني'.

وردا على سؤال عن سبب استقالتها، قالت: 'حسيت إن فكرة إني موظفة بتخليني مضمونة طول الوقت، والتعامل معايا بطريقة دي بنتنا ونيجي عليها، مش واخدة القدر الكافي اللي عايزة تاخديه، وحبيت أرفع عنهم الحرج وأرفعه عن نفسي'.

وتابعت: 'ناس كتير بتسألني فين حفلاتي في دار الأوبرا وفي مصر، وفاكرين إني مقصرة أو مش عايزة، لكن دار الأوبرا لم توجه لي دعوة واحدة لإحياء حفلات من سنة و6 شهور'.

يذكر أن مي فاروق طرحت مؤخرا أغنية 'أفتكرلك إيه'، ألحان ومقدمة وفواصل موسيقية لعمرو مصطفى، وتوزيع نادر حمدي، وهي أول أغنية في مشروع الفنان عمرو مصطفى لإحياء أصوات عظماء الطرب باستخدام تقنية الذكاء الاصطناعي.

وتحدث عمرو مصطفى عن الأغنية ومشروعه الجديد قائلا: 'النهاردة لو شوفنا تعليقات الناس على الأغنية في يوتيوب، عايزين نسخة الذكاء الاصطناعي، رغم إن صوت عظيم اسمه مي فاروق غنى الأغنية، وأنا أعتبرها من أهم الأصوات المصرية'، حسب تصريحاته لبرنامج ET بالعربي.

من جهة أخرى، تستعد مي فاروق لإحياء حفل غنائي مساء غد الجمعة 9 يونيو، على مسرح بنش مارك في مدينة جدة بالمملكة العربية السعودية.

حمل آبلكيشن FilFan ... و(عيش وسط النجوم)