أشرف عبد الباقي: "سوكسيه" تجربة لدعم مواهب فرق الهواة وتحقيق حلم الظهور على المسرح

أكد الفنان أشرف عبد الباقي، أن مشروعه المسرحي الجديد 'سوكسيه' يهدف لدعم فرق الهواة وإتاحة الفرصة للشباب الموهوب لإظهار قدراتهم الفنية، مشيرا إلى أن اسم المشروع مستمد من كلمة مرتبطة بالتسقيف والتشجيع.

وأوضح أشرف عبد الباقي، خلال لقاء خاص مع الإعلامية شيرين سليمان في برنامج 'سبوت لايت' المذاع على قناة صدى البلد، قائلا: 'سوكسيه هي كلمة بنستخدمها من زمان من أيام فرق الهواة قبل الاحتراف، وهي جاية من كلمة النجاح، والتعبير عنها بيكون بالتسقيف لما الناس تسقف لحد عمل مشهد كويس أو قال إفيه نجح فيه. الكلمة مرتبطة بالمسرح والعروض الغنائية والكوميدية، خصوصا في عروض الاستاند أب كوميدي اللي ممكن الفنان ياخد فيها عشرين 'سوكسيه' من الجمهور، وده بيرتبط بفكرة النجاح على المسرح'.

وأوضح عبد الباقي أن فكرة المشروع تعود إلى بداياته مع فرق الهواة حين كان يقدم عروضا قصيرة لمرة أو مرتين على أقصى تقدير، وكان يشعر بسعادة غامرة رغم قصر مدة العرض.

مضيفا: 'كنت بفكر إزاي نقدر ناخد فرق الهواة وفرق الجامعات ونوفر لهم إطار مختلف، خصوصا بعد ما تم تطوير مسرح الريحاني. ومن خلال مشروع 'سيكوسيه'، بنستضيف الفرق اللي قدمت عروض بالفعل، وبنوفر لهم الديكورات والإضاءة دون مقابل، وبصور لهم العرض، وبندعي عدد كبير من المخرجين والمنتجين لحضور العروض بهدف اكتشاف المواهب الشابة اللي بتحلم إن حد يشوفها ويقدمها'.

وأشار عبد الباقي إلى أن المشروع يستضيف عرضا مختلفا كل أسبوع لفرقة جديدة، مؤكدا أن فكرة اكتشاف المواهب ليست قاصرة عليه فقط، بل تهم كل المنتجين والمخرجين في الوسط الفني.

وأضاف أشرف عبد الباقي، قائلا: 'قبل (تياترو مصر، ومسرح مصر)، كنت بلف على عدد من المسارح ومعايا نوتة بكتب فيها أسماء الفنانين اللي شايف إن عندهم مستقبل، وبعدها بقوا ضمن الفريق اللي اشتغل معايا في المسرح. إحنا بلد فيها 110 مليون بني آدم، وإحنا أساس الفن، فلازم يكون عندنا شباب ومخرجين ومؤلفين جداد يثروا الساحة الفنية، وعندنا بالفعل مواهب كتير جدا محتاجة فرصة، ودوري إني أساعد في ده، وزي ما بشوف حد وأكون مبسوط بيه، في نفس الوقت فيه مخرجين ومنتجين بيلاقوا مواهب وبيقدموهم في أعمالهم'.