ويجز: أول ما عرفت إني هاغني مع أنغام فكرت أهرب وبالراحة شوية على البنات في مصر

عبر مغني الراب ويجز عن سعادته بالتعاون مع الفنانة أنغام في حفل 'ليلة صوت مصر' ضمن فعاليات بوليفارد رياض سيتي، على مسرح أبو بكر سالم.

وخلال لقائه على هامش الحفل مع عمرو أديب في برنامج 'الحكاية'، قال ويجز إنه سعيد بمشاركة أنغام الغناء على الرغم من أنه كان قلقلا في البداية من التجربة نظرا لأنه يقف للمرة الأولى أمام أوركسترا إلا أنه مع التدريب المستمر في البروفات تمكن من إتقان الغناء بصحبة الأوركسترا.

وأضاف ويجز، 'أنا جاي اختبر نفسي وأتعلم، وأول ما قالوا لي هتعمل حاجة مع أنغام فكرت أهرب لأنها تجربة جديدة عليا وتجربة صعبة بس قررت أجربها وكل تجربة فيها السهل وفيها الصعب'.

وعن كيفية حفظ كلمات أغانيه التي من الممكن أن يعتبرها البعض صعبة قال ويجز ''أنا اللي ببقى كاتب الأغاني اللي بغنيها عشان كدة ببقى حافظها ومش صعبة عليا، ولما بيعدي وقت بقعد أسمع الأغاني 3 أو أربع مرات عشان أركز وأقولها صح زي ما غنيتها، وأي جملة بشوفها جميلة بكتبها وبعدين أشوفلها قافية، وممكن أكتب الأغنية سطرين وأسيبها شهرين وأرجع أكمل تاني'.

وتحدث ويجز عن دور المرأة في حياته قائلا 'المرأة نص المجتمع وولما بتكلم عن الست فهي أمي وأختي، وعايز أقول بالراحة شوية على البنات في مصر الناس ضاغطين عليهم شوية'.

وأشار ويجز، 'عن كيفية حفظه لكلمات أغانيه التي يعتبرها البعض صعبة إلى حد ما، كما تحدث عن المرأة التي وصفها بأنها نصف المجتمع'.

وأضاف ويجز، 'مكنتش متوقع النجاح اللي بحققه ده، بس كنت مركز وأول أغنية عجبت الناس قولت هكمل فيها، واللي ساعدني إني سافرت واتعلمت من كل الناس'.

وقال ويجز، 'إن المرأة هي نصف المجتمع، ولما بتكلم عن الست فهي أمي وأختي، وعايز أقول بالراحة شوية على البنات في مصر، الناس ضاغطين عليهم شوية'.

وعن هواياته قال ويجز ' بسوق موتوسيكلات في الصحرا مع أصحابي'.

وعن مفضلاته في الموسيقى قال ويجز إنه يستمع لميع الأغاني القديمة والجديدة ولكنه يفضل أغنية 'عودة' لحميد الشاعري مشيرا إلى أنها تصلح للاستماع من كل الجنسيات.

ووجه ويجز رسالة للجمهور الذي لا يستوعب أغانيه، قائلًا: إدوني فرصة واسمعني ممكن تنبسط، لا تحكم على الكتاب من غلافه، لو مش عاجباك أغنية اسمع اللي بعدها، أنا بحاول أعمل حاجة ترضي كل الأذواق، ولو واحدة مش جاية معاك ممكن التانية تيجي معاك'.

وتراوحت أسعار تذاكر حفل 'أنغام ليلة صوت مصر' من ‏300 ريال سعودي إلى 2500 ريال سعودي، ولكنها نفذت جميعها في وقت قياسي.

حمل آبلكيشن FilFan ... و(عيش وسط النجوم)