مسلسل "قابيل" جابلي اكتئاب واعتذرت بسببه عن عدم تقديم "في كل أسبوع يوم جمعة"

حكى الفنان محمد ممدوح أن مسلسل 'قابيل' أصابه بالاكتئاب مما دفعه لرفض دور شعر فيما بعد بالندم أنه لم يقدمه.

وحكى محمد ممدوح خلال لقائه في بودكاست 'فضفضت أوي' مع معتز التوني: 'المخرج محمد شاكر كلمني على مسلسل 'في كل أسبوع يوم جمعة' وأنا ساعتها كنت لسه مخلص مسلسل 'قابيل' وأنا المسلسل دا تعبني نفسيا وحطني في حتة اكتئاب، سألت الدكتور بتاعي قالي لأ متعملش حاجة دلوقتي أنت في إجازتك وأنا كان مثلا قدامي أسبوع ونبدأ في المسلسل فاعتذرت لأستاذ شاكر'.

وتابع محمد ممدوح: ' آسر ياسين عمل حاجة بجد مش مجاملة في منتهى الروعة أنا مكنتش شايفة آسر من كتر ما هو واحد تاني، عمل حاجة تقشعر الجسم، عمل الدور بشكل استفزني في الأداء وأنه عمله في حتة مش مكتوبة لأن أنا قريت وعارف الدور هو وصل بيه لحتة تانية'.

على جانب آخر، ينتظر محمد ممدوح عرض أحدث أفلامه 'روكي الغلابة'.

ومن المقرر أن يعرض فيلم 'روكي الغلابة' لدنيا سمير غانم يوم 30 يوليو بجميع سينمات مصر، ويوم 14 أغسطس في جميع سينمات الوطن العربي.

ويشارك في بطولة فيلم 'روكي الغلابة'، محمد ثروت، محمد رضوان، وسلوى عثمان، إلى جانب عدد من ضيوف الشرف، منهم أحمد سعد وأوس أوس، والعمل من تأليف كريم يوسف وإنتاج محمد أحمد السبكي وإخراج أحمد الجندي.