ريهام سعيد تعلق على جدل القلادة الذهبية لزوجة حمو بيكا: أيوة إداها كيلوهات من الدهب علشان هو ابن ناس

علقت الإعلامية ريهام سعيد على الجدل المثار حول مغني المهرجانات حمو بيكا بعد أن قدم لزوجته هدية عبارة عن 'قلادة ذهبية' احتفالا بعيد ميلادها وتعبيرا منه عن مدى حبه وتقديره لها.

وفي حلقة أمس في برنامجها 'صبايا' الذي يعرض عبر قناة 'الشمس'، قالت ريهام سعيد 'أيوة إداها كيلوهات من الدهب، لبسها دهب كتير أوي هو عنده قدرة من العطاء لأمه ولأبوه ولمراته غير طبيعية.. بيبوس إيديها بجد مش تمثيل.. إيه كمية الحب والفرح دي دا بيلففها ويرقصها دا عملها فرح مش عيد ميلاد وضحكته من القلب'.

وأضافت ريهام سعيد ' دا راجل بيحب بجد، حمو بيكا راجل جميل وطيب أوي عشان كدا ربنا بيكرمه بجد وفي الأزمات اللي مر بيها كل الناس تخلت عنه وهي وقفت جنبه، المحترم محترم.. هو كريم في ناس معاها وبتستخسر لكن هو بيعشق مراته، حمو مش متعلم وجاي من بيئة عادية ولما بقا نجم استمر مع مراته متخلاش عنها دا إبن ناس.. مبسوط بمراته وفرحان بيها'.

وتابعت ريهام سعيد 'حمو بيكا متربي وبيعرف يعامل الست، ابن ناس لا بيضربها ولا بيعنفها ولا بيطردها من البيت.. بوس إيد الست متطلعش غير من إيد ابن الناس.. حمو بيكا قدملنا روشتة يعني إيه ابن ناس'.

وأثار حمو بيكا الجدل بعد أن قدم لزوجته هدية عبارة عن 'قلادة ذهبية' احتفالا بعيد ميلادها وتعبيرا منه عن مدى حبه وتقديره لها.

وحرص بيكا على تهنئة زوجته شمس بمناسبة عيد ميلاد وشارك متابعيه بفيديو له رفقة زوجته، عبر حسابه بموقع التواصل الاجتماعي Instgram، وهما يرقصان سويا احتفالا بعيد ميلادها، وقامت زوجته بتقبيل يده بعد أن أهداها القلادة الذهبية.

وعلق قائلا: 'كل سنة وأنتِ طيبة يا حبيبتي وصحبتي وبنتي وكل حاجه ليا، العمر كله ليكي يا روح قلبي سنة جديدة مع بعض وأنتي في ضهري ومعايا ومستحملاني، ومقدرة كل ظروفي اللي مريت بيها، سواء حلوة أو وحشة'.

وتابع حمو بيكا: 'كل سنة وأنت مآمنة بيا وبحلمي وبكل حاجة في حياتي، ربنا يحفظك ليا يا رب والعمر كله مع بعض'.