بالفيديو - لوسي: علمت شاكيرا وغادة عبد الرازق الرقص ولم أهاجم رانيا يوسف

لوسي

حلت الفنانة لوسي، ضيفة خلال الجزء الثاني من لقائها ببرنامج 'العرافة' الذي تقدمه الإعلامية بسمة وهبة، على قناتي النهار والمحور، حيث قالت إنّ شاكيرا تعلمت الرقص منها، موضحةً: 'كل من يرقصون الرقص الشرقي تعلموا الرقص مني، الطبال بتاع شاكيرا كان بيجي ياخد مني الأحزمة اللي بتشخلل ويديني سديهات وأديله حركات وأعرفه الرعشة بتتعمل إزاي وتقسيمة الوسط بتتعمل إزاي وبيروح يقول لشاكيرا'.

وأضافت: 'أما بالنسبة لغادة عبدالرازق أنا لم أعلمها الرقص، هي تجيد الرقص بعض الشيء، ولكن هناك دور كان يتطلب منها إتقان الرقص بشكل كبير، فقلت لها بعض القواعد'.

وعن الاخبار التي تم تداولها عن أنها هاجمت الفنانة رانيا يوسف طالبة منها عدم الذهاب إلى أطباء تجميل، قالت لوسي: 'لم أقل ذلك، أذهب إلى دكاترة تجميل وهي كذلك، ولا أكذب'.

وأضافت: 'لما أهاجم دينا بسبب بدل الرقص التي ترتديها، وبالنسبة لأطباء التجميل، مين فينا مبيروحش لدكاترة تجميل؟! إيه الأسئلة الاستفزازية دي؟! جايبين الكلام ده منين؟! والله العظيم عمري ما شفت الكلام ده'.

وقالت لوسي، إنها ترقص في أعياد ميلاد وحفلات خطوبة أصدقاء نجلها فتحي، موضحة: 'بيشدوني وأرقص، كل أصحاب ابني صبيان وبنات صحابي، أنا صاحبة العائلة، كلهم بيحبوا يتعرفوا علي، وبيقولوا فخورون بإن ده ابنك عشان متربي وجدع وشهم'.

وأضافت: 'ابني مصري ابن مصرية جدعة، فتحي بيحط علم مصر على ظهره وينتخب رئيس الجمهورية، أنجبته في أمريكا لأن أمي ماتت ومات توأم في بطني بمصر، كنت بروح للدكتور ميعرفش إني حامل في توأم وإنهم ميتين بقالهم أسبوعين وكنت بموت، عملت عملية واكتشفت إن في جسمي سم، وحزنت عليهما، ولما توفيت أمي بحثت على أم لي، فذهبت إلى أميركا حيث كانت توجد أختي'.

وقالت إنّ ابنها فتحي يتعامل مع الرقص على أنه فن 'كويس ومحترم'، موضحةً: 'بيقولي هزي كويس، وده معناه إنك لما تشتغلي أي حاجة بتركيز وجد، عشان تنجحي'.

وأضافت لوسي أنّه عندما قال لها 'هزي كويس' كان صغيراً في السن، وكان يقصد من هذه العبارة أن يحثها على العمل بجد: 'فتحي بيحب الهزار، ثقافة مختلفة وتربية مختلفة وبيلعب مزيكا، وطالما فكرتي تخلفي يا تربيه كويس وبما يرضي ربنا يا مجيبش أطفال'.

وقالت لوسي: 'أنا معنديش ملهى ليلي في شارع الهرم، ده بتاع جوزي واتحرق واتسرق في أيام ثورة يناير، ومجوهراتي في البنك وبعضها في ايديا مش في الملهي، ولكن هدومي كلها والباروكات وبدل الرقص خسرتها'.

وأضافت: 'اللي كنت بشتغل به في الرقص أو في الملهى جزء كبير منه تقريباً بصرفه على اللبس بتاع المسرح'.

وعن التصريحات المنسوبة لها بشأن عايدة رياض بـ'فنانة راحت عليها'، علقت لوسي: 'ما نشر بشأن ذلك فبركة دي أستاذة وبحترمها ومقدرش أقول عليها حاجة'.