نشوى مصطفى تنهار باكية في أول ظهور بعد وفاة زوجها: أنا مش عارفة أعيش

انهارت الفنانة نشوى مصطفى في أول ظهور لها على الشاشة بعد رحيل زوجها، ودخلت في نوبة بكاء أثناء تقديم برنامجها 'بنت البلد' عبر قناة CBC سفرة.

وقالت نشوى مصطفى: 'الحقيقة أنا مش عارفة ابتدي الحلقة إزاي، لكن في التزامات في الحياة تجبرنا نشتغل. مكنتش عايزة أكون موجودة النهاردة علشان محبش أزعج حضراتكم بشيء شخصي، سامحوني وهحاول أتماسك قدر استطاعتي'.

وأضافت خلال استضافتها الداعية نيفين مختار: 'اللي يحب ربنا لو سمحتوا ادعوا لجوزي بالرحمة'.

وكشفت نشوى مصطفى عن أنها لا تزال متأثرة بوفاة زوجها قائلة: 'اللهم لا اعتراض، أنا مسلمة ومسلّمة أمري لله وكلنا هنموت، لكن أنا مش عارفة أعيش'.

وتابعت: 'عشرة 33 سنة مشوفتش منه غير كل خير وود ورحمة واحتواء وطمأنينة وسند ودعم، وحسن تربية لأولادي وأولاده'.

وكانت نشوى مصطفى أعلنت رحيل زوجها صباح السبت 28 ديسمبر الماضي، وكتبت على حسابها الشخصي على 'فيس بوك': ادعو له بالرحمة وادعولى انا وولاده بالصبر والثبات'.

نشرت الفنانة نشوى مصطفى بوست كتبت فيه نعيا لزوجها وطالبت فيه متابعيها بالذهاب لصلاة الجنازة عليه، وقالت: 'اللي بيحب ربنا يجى يصلي صلاة الجنازة على زوجي ونور عيني وحبيبي وستري وأبو ولادي تعالو والنبي مسجد حسن الشربتلي صلاة الضهر'.

وأكملت: 'أبوس إيديكم عايزة ناس كتير تيجي والنبي الله يراضيكم تعالوا كلكم ادعو له بالرحمة وادعولى انا وولاده بالصبر والثبات، مسجد حسن الشربتلي التجمع الخامس هتلاقوه على جوجل ماب شيروا كتير'.

يذكر أن زوج الفنانة نشوى مصطفى هو رجل الأعمال محمد عماد، ودام زواجهما منذ 30 عاما، وكان مقيما بأمريكا.